Pedro hetja Barcelona | Sjáðu markaveisluna

Markamet var sett þegar Barcelona og Sevilla kepptu um Ofurbikar UEFA í kvöld. Framlengja varð leikinn eftir ótrúlega endurkomu Sevilla en Pedro, sem er væntanlega á leið til Man. Utd, kláraði leikinn í framlengingunni.

Þetta var ótrúlegur leikur frá upphafi til enda. Úr fyrstu þrem aukaspyrnufærum leiksins voru skoruð þrjú mörk.

Barcelona komst í 4-1 og virtist vera með öruggan sigur. Sevilla sýndi þá mikinn karakter með því að koma til baka og jafna leikinn.

Það varð því að framlengja leikinn. Þá kom Pedro inn af bekknum en hann fór fram á sölu til Man. Utd fyrir leikinn segja spænskir fjölmiðlar.

Pedro ákvað að kveðja Barcelona á réttan hátt því hann skoraði sigurmarkið í framlengingunni. Magnaður endir á hans ferli hjá Barcelona ef af verður að hann fari til Man. Utd.

Aukaspyrnumörkin má sjá að ofan en öll hin mörkin hér að neðan.

Suarez kemur Barca í 4-1. 4-2. 4-3. Sevilla jafnar í 4-4. Pedro tryggir Barca sigur í framlengingu.