Lilja Dögg á Hlíðarenda

Lilja Dögg Valþórsdóttir er gengin í raðir Vals frá Breiðabliki.

Lilja Dögg, sem verður 33 ára á árinu, lék sem lánsmaður með Aftureldingu á síðustu leiktíð en hún hefur alls leikið 162 leiki í efstu deild með Val, Stjörnunni, Þór/KA/KS, KR, HK/Víkingi, Breiðabliki og Aftureldingu.

Lilja gæti leikið sinn fyrsta leik með Val þegar liðið sækir KR heim í 2. umferð Pepsi-deildarinnar á þriðjudaginn.

Valsliðið byrjaði tímabilið vel og vann 3-0 sigur á Aftureldingu í fyrstu umferðinni.