Harður árekstur á gatnamótum Grensásvegar og Miklubrautar

Harður árekstur tveggja fólksbíla varð á gatnamótum Grensásvegar og Miklubrautar um hálftíu í morgun. Þrír voru fluttir á slysadeild Landspítalans til skoðunar en samkvæmt upplýsingum frá spítalanum er enginn þeirra alvarlega slasaður.

Mikið brak var á gatnamótunum eftir áreksturinn, að því er fram kemur í skýrslu lögreglunnar á höfuðborgarsvæðinu. Kalla þurfti til hreinsunardeild borgarinnar til að þrífa þau og kranabifreiðar til að koma bílflökunum á brott.