Íslandsmótið í kata fór fram í dag | Myndband

Íslandsmótið í kata fullorðinna fór fram í dag. Mótið var haldið í Hagaskóla og var umsjón þess í höndum karatefélagsins Þórshamars.

Svipmyndir frá mótinu og viðtöl við sigurvegara má sjá í spilaranum hér að ofan.

Svana Katla Þorsteinsdóttir úr Breiðabliki varð hluskörpust í kvennaflokki en hún vann sigur á stöllu sinni úr Breiðabliki, Kristínu Magnúsdóttur.

Í karlaflokki stóð Elías Snorrason, KFR, uppi sem sigurvegari en þetta var í þriðja sinn sem hann verður Íslandsmeistari.

Breiðablik sigraði í hópkata kvenna og karlamegin varð Þórshamar hlutskarpastur. Þegar öll stigin voru tekin saman stóð Þórshamar uppi sem sigurvegari. Félagið fékk 17 stig, fjórum meira en Breiðablik.

Úrslit dagsins:

Kata kvenna:

1.Svana Katla Þorsteinsdóttir, Breiðablik

2.Kristín Magnúsdóttir, Breiðablik

3.Hekla Helgadóttir, Þórshamar

3.María Helga Guðmundsdóttir, Þórshamar

Kata karla:

1.Elías Snorrason, KFR

2.Bogi Benediktsson, Þórshamar

3.Sæmundur Ragnarsson, Þórshamar

3.Sverrir Magnússon, KFR

Hópkata kvenna:

1.Breiðablik, Katrín, Kristín, Svana Katla

2.Þórshamar, Diljá, Hekla, María Helga

3.Breiðablik, Arna Katrín, Erla Kristín, Laufey Lind

Hópkata karla:

1.Þórshamar, Bogi, Daníel P.,Sæmundur

2.KFR, Elías, Sverrir, Vilhjálmur

3.Þórshamar, Birkir, Brynjar Marinó, Magnús

Heildarstig félaga:

1.Þórshamar, 17 stig

2.Breiðablik, 13 stig

3.KFR, 8 stig