Ísland fékk tvö gull á Norðurlandamóti unglinga í kraftlyftingum

Íslendingar eignuðust tvo Norðurlandameistara í kraftlyftingum á Norðurlandamóti unglinga sem fór fram í Finnlandi um helgina.

Keppt var annars vegar án búnaðar og hins vegar með búnaði.

Í klassískum kraftlyftingum, án búnaðar, varð Dagfinnur Ari Normann, Stjarnan, Norðurlandameistari í -74 kg flokki.

Matthildur Óskarsdóttir, Grótta, vann til bronsverðlauna i -72 kg flokki telpna.

 

Þrír strákar kepptu með búnaði. Guðfinnur Snær Magnússon, Breiðablik, varð Norðurlandameistari í -120 kg flokki drengja og bætti jafnframt íslandsmet drengja í öllum greinum.

Daníel Geir Einarsson, líka úr Breiðabliki, vann silfurverðlaun í +120 kg flokki unglinga og Sindri Freyr Arnarson (Massi) lenti í 4.sæti í -74 kg flokki.