„Þetta er örugglega fertugsafmælisgjöf Sigmundar Davíðs“

Birgitta Jónsdóttir, þingmaður Pírata, segir það grafalvarlegt að ríkisstjórnin skuli hafa ákveðið að Ísland sé ekki lengur umsóknarríki að ESB.

„Þarna sniðgengur ríkisstjórnin Alþingi og kippir úr sambandi þingsályktun sem samþykkt var á Alþingi á sínum tíma. Þetta hlýtur því að setja allar aðrar þingsályktanir um alþjóðasamninga í mikið uppnám. Þetta grefur undan þingræðinu og ég skil bara ekki hvernig þeim dettur í hug að gera þetta. Þetta er örugglega fertugsafmælisgjöf Sigmundar Davíðs,“ segir Birgitta.