Gilmore Girls snúa aftur á skjáinn: Lét ömmu alltaf taka Mæðgurnar upp á spólu Nanna Elísa Jakobsdóttir skrifar 21. október 2015 16:33 Sigrún Ingibjörg er mikill aðdáandi þáttanna og mæðgurnar Lorelai og Rory Gilmore hafa fylgt henni alla ævi. Vísir/Sigrún/EPA Mæðgurnar eða Gilmore Girls snúa aftur á skjáinn í formi Netflix-þáttaraðar. Tímasetningin er óráðin en TV line segist hafa öruggar heimildir fyrir því að Netflix hafi náð samningum við rétthafa þáttanna Warner Bros um endurkomu þáttaraðarinnar. Sigrún Ingibjörg Gísladóttir, lögfræðingur og nemi við Harvard, er aðdáandi þáttanna. „Ég fylgdist með öllum þáttunum. Við systurnar vorum raunar svo miklir aðdáendur að þegar við fluttum erlendis þá létum við ömmu okkar taka þættina upp á VHS-spólur og senda okkur út,“ segir Sigrún. Fyrir þá sem ekki vita eru VHS-spólur forveri DVD-diskanna. Sigrún segist hafa getað speglað sig í mæðgunum. Hún hafi löngum verið þekkt fyrir að tala hratt og mikið og drekka ótæpilegt magn af kaffi. Það er einmitt eitt einkennismerki þáttanna, hraður díalógur og hnyttin tilsvör. Sigrún ólst upp í mikilli mæðgnastemningu en hún bjó lengst af ásamt móður sinni og systur. Hér að neðan má sjá brot úr þáttunum.Í frétt TV line er greint frá því að þær Lauren Graham og Alexis Bledel sem léku Mægðurnar Lorelai og Rory Gilmore séu klárar í slaginn auk Kelly Bishop og Scott Patterson. Bishop lék móður og ömmu mægðnanna og Patterson var ástmaður Lorelai og fjölskylduvinur. Þar er einnig sagt frá því að þáttaröðin muni samanstanda af fjórum níutíu mínútna þáttum. Warner Bros og Netflix hafa þó ekki staðfest fréttirnar enn sem komið er. Amy Sherman-Palladino sem skapaði þættina og aðalframleiðandinn Daniel Palladino munu sjá um endurkomuna en þau tóku ekki þátt í að skrifa og framleiða síðustu þáttaröð Mæðgnanna sem er samkvæmt aðdáendum sú allra versta.Sigrún fellst á að vissulega sé áhætta fólgin í að færa svo vinsæla þætti aftur á skjáinn. „Aðdáendur eru væntanlega spenntir að fá nýja þætti en þeir verða auðvitað ekki eins þegar þetta langur tími er liðinn, sumir leikarar fallnir frá og aðrir 10 árum eldri.“ Það verði spennandi að fylgjast með því hvernig allt verður útfært.Michael Ausiello, blaðamaður TV line, hefur sökkt sér í málið og komist að því að líkast til verður hoppað fram í tíma um þau átta ár sem liðin eru frá því að síðasti þátturinn fór í loftið. Það var 15. maí 2007. Aðdáendur þáttanna þekkja söguna um „hin síðustu fjögur orð“ en Amy Sherman-Palladino hafði löngu fyrir síðustu þáttaröðina ákveðið hver lokaorð Gilmore Girls ættu að vera. Hún fékk hins vegar ekki að ljúka sínu verki eins og áður sagði og því hafa aðdáendur aldrei fengið að heyra hvernig hún hefði viljað enda seríuna.Edward Hermann lék Richard föður Lorelai en hann féll frá í desember síðastliðnum og hans karakter verður því ekki með í þáttunum.Mynd/GettyHópurinn kom allur saman í sumar í panel á vegum ATX hátíðarinnar og Entertainment Weekly. Þar ræddu þau hvar karakterarnir þeirra væru staddir í dag. Umræðurnar í heild sinni má sjá hér að ofan.En hversu stóran þátt hafa þær mæðgur átt í lífi aðdáenda sinna?Sigrún segir í öllu falli að aðdáendur hafi saknað þeirra beggja og þáttanna og það þó Netflix hafi tekið upp á að sýna alla þættina á síðasta ári. „Frá því því við systurnar fengum þær sendar á VHS milli landa hafa þær færst yfir á DVD safn og nú síðast Netflix, svo þær hafa fengið að fylgja mér. Kannski er besti mælikvarðinn sá að þær skipuðu svo stóran part af sjónvarpsdagskrá minni að ég uppgötvaði ekki Friends fyrr en í sjöundu seríu og missti algerlega af Fóstbræðrum,“ segir einn stærsti aðdáandi Mægðnanna á Íslandi, Sigrún Ingibjörg. Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Sjá meira
Mæðgurnar eða Gilmore Girls snúa aftur á skjáinn í formi Netflix-þáttaraðar. Tímasetningin er óráðin en TV line segist hafa öruggar heimildir fyrir því að Netflix hafi náð samningum við rétthafa þáttanna Warner Bros um endurkomu þáttaraðarinnar. Sigrún Ingibjörg Gísladóttir, lögfræðingur og nemi við Harvard, er aðdáandi þáttanna. „Ég fylgdist með öllum þáttunum. Við systurnar vorum raunar svo miklir aðdáendur að þegar við fluttum erlendis þá létum við ömmu okkar taka þættina upp á VHS-spólur og senda okkur út,“ segir Sigrún. Fyrir þá sem ekki vita eru VHS-spólur forveri DVD-diskanna. Sigrún segist hafa getað speglað sig í mæðgunum. Hún hafi löngum verið þekkt fyrir að tala hratt og mikið og drekka ótæpilegt magn af kaffi. Það er einmitt eitt einkennismerki þáttanna, hraður díalógur og hnyttin tilsvör. Sigrún ólst upp í mikilli mæðgnastemningu en hún bjó lengst af ásamt móður sinni og systur. Hér að neðan má sjá brot úr þáttunum.Í frétt TV line er greint frá því að þær Lauren Graham og Alexis Bledel sem léku Mægðurnar Lorelai og Rory Gilmore séu klárar í slaginn auk Kelly Bishop og Scott Patterson. Bishop lék móður og ömmu mægðnanna og Patterson var ástmaður Lorelai og fjölskylduvinur. Þar er einnig sagt frá því að þáttaröðin muni samanstanda af fjórum níutíu mínútna þáttum. Warner Bros og Netflix hafa þó ekki staðfest fréttirnar enn sem komið er. Amy Sherman-Palladino sem skapaði þættina og aðalframleiðandinn Daniel Palladino munu sjá um endurkomuna en þau tóku ekki þátt í að skrifa og framleiða síðustu þáttaröð Mæðgnanna sem er samkvæmt aðdáendum sú allra versta.Sigrún fellst á að vissulega sé áhætta fólgin í að færa svo vinsæla þætti aftur á skjáinn. „Aðdáendur eru væntanlega spenntir að fá nýja þætti en þeir verða auðvitað ekki eins þegar þetta langur tími er liðinn, sumir leikarar fallnir frá og aðrir 10 árum eldri.“ Það verði spennandi að fylgjast með því hvernig allt verður útfært.Michael Ausiello, blaðamaður TV line, hefur sökkt sér í málið og komist að því að líkast til verður hoppað fram í tíma um þau átta ár sem liðin eru frá því að síðasti þátturinn fór í loftið. Það var 15. maí 2007. Aðdáendur þáttanna þekkja söguna um „hin síðustu fjögur orð“ en Amy Sherman-Palladino hafði löngu fyrir síðustu þáttaröðina ákveðið hver lokaorð Gilmore Girls ættu að vera. Hún fékk hins vegar ekki að ljúka sínu verki eins og áður sagði og því hafa aðdáendur aldrei fengið að heyra hvernig hún hefði viljað enda seríuna.Edward Hermann lék Richard föður Lorelai en hann féll frá í desember síðastliðnum og hans karakter verður því ekki með í þáttunum.Mynd/GettyHópurinn kom allur saman í sumar í panel á vegum ATX hátíðarinnar og Entertainment Weekly. Þar ræddu þau hvar karakterarnir þeirra væru staddir í dag. Umræðurnar í heild sinni má sjá hér að ofan.En hversu stóran þátt hafa þær mæðgur átt í lífi aðdáenda sinna?Sigrún segir í öllu falli að aðdáendur hafi saknað þeirra beggja og þáttanna og það þó Netflix hafi tekið upp á að sýna alla þættina á síðasta ári. „Frá því því við systurnar fengum þær sendar á VHS milli landa hafa þær færst yfir á DVD safn og nú síðast Netflix, svo þær hafa fengið að fylgja mér. Kannski er besti mælikvarðinn sá að þær skipuðu svo stóran part af sjónvarpsdagskrá minni að ég uppgötvaði ekki Friends fyrr en í sjöundu seríu og missti algerlega af Fóstbræðrum,“ segir einn stærsti aðdáandi Mægðnanna á Íslandi, Sigrún Ingibjörg.
Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Sjá meira