Playboy segir Katrínu Tönju eiga að vera fyrsti kostur hvers manns ef uppvakningar taka yfir

Katrín Tanja Davíðsdóttir, sem sigraði nýverið á heimsleikunum í Crossfit, er til umfjöllunar á vef tímaritsins Playboy. Á vefnum er Katrín Tanja sögð búa yfir miklum styrk og geta gert allt, hlaupið, synt, klifrað og staðið á annarri hendi.

„Hún lyfti eins og Hulk á meðan hún lítur út eins og leikfélagi. Það eru milljón ástæður fyrir því að hún ætti að vera fyrsti kostur hvers manns ef uppvakningar taka yfir heiminn,“ segir á vef Playboy um Katrínu Tönju en þar eru birtar myndir og myndbönd af Instagram-síðu Katrínar.

Katrín Tanja vann heimsleikana í Crossfit á dramatískan hátt og fékk að launum tæplega 38 milljónir króna.