Íslenski boltinn

Uppbótartíminn: Óskari Zoega líður mjög vel í Herjólfsdalnum

Kristinn Páll Teitsson skrifar
Vísir/Arnþór
Elleftu umferð Pepsi-deildar karla í knattspyrnu lauk í gær. Hverjir áttu góðan dag og hverjir áttu erfiðan dag? Hvað segir tölfræðin og hver var umræðan á Twitter? Vísir gerir hér upp umferðina á léttum nótum.

FH og Stjarnan eru enn taplaus þegar mótið er hálfnað en eru aðeins sex stigum á undan KR sem hefur tapað fjórum leikjum. Á sama tíma er baráttan að harðna á botni deildarinnar þar sem aðeins fjögur stig skilja að tólfta sæti og sjöunda.

Umfjöllun og viðtöl úr öllum sex leikjum umferðarinnar:

Fylkir 2 - 0 Fram

ÍBV 4 - 2 Fjölnir

Stjarnan 4 - 2 FH

Valur 1 - 2 Breiðablik

Víkingur R. 3 - 1 Keflavík

Þór 2 - 0 KR

Mynd/Vísir
Góð umferð fyrir ...

Aron Elís Þrándarson, Víking R.

Aron Elís Þrándarson átti stórleik í 3-1 sigri Víkings á Keflavík í gær en Aron skoraði bæði mörk Víkings í leiknum og lagði það þriðja upp. Aron Elís sýndi í gær afhverju hann er talinn einn af bestu leikmönnum deildarinnar. Kristján Guðmundsson, þjálfari Keflavíkur, skoraði á fótboltaáhugamenn á Íslandi á fótboltaáhugamenn að sjá þennan góða leikmann spila á meðan hann væri ennþá að leika á Íslandi.

Jonathan Glenn, ÍBV

Jonathan Glenn var gagnrýndur í upphafi móts en eftir að hafa skorað tvö mörk í sigri ÍBV á Fjölni er hann skyndilega orðinn meðal markahæstu manna deildarinnar. Er með mark að meðaltali í leik í síðustu sjö leikjum og er gríðarlega mikilvægur þessu ÍBV liði. Hefur sýnt fjölbreytileika í mörkum sínum og virðist vera af fyrra marki sínu gegn Fjölni óhræddur við að fara upp í skallaeinvígi gegn markmönnum og hefur verið að hafa betur.

Pál Viðar Gíslason, Þór

Þórsarar komu flestum á óvart með 2-0 sigri á Íslandsmeisturunum fyrir norðan. Þór hafði aðeins unnið einn leik í Pepsi-deildinni fram að leiknum gegn KR sem kom fyrir tæplega tveimur mánuðum og hafði Páll legið undir töluverðri gagnrýni sem hann ræddi um í kvöldfréttum Stöðvar 2. Hann hafði hinsvegar fulla trú á að leikmenn liðsins gætu snúið taflinu við líkt og þeir gerðu í glæsilegum sigri á KR.

Vísir/Getty
Erfið umferð fyrir

Bjarna Guðjónsson, þjálfara Fram

Bjarni reyndi að hressa upp á leik Fram með róttækum breytingum á byrjunarliðinu en allt kom fyrir ekkert. Liðið tapaði 2-0 fyrir Fylkisliði sem hafði ekki unnið leik í tæplega tvo mánuði. Á rúmlega viku hefur liðið fallið úr bikarnum, undankeppni Evrópudeildarinnar og sogast niður í fallsæti í Pepsi deildinni. Félagsskiptaglugginn opnaði í dag og spurning er hvort Bjarni neyðist til að styrkja liðið sem hefur ekki litið vel út undanfarnar vikur.

Kjartan Henry Finnbogason, KR

Kjartan Henry Finnbogason átti erfiðan dag í 2-0 tapi gegn Þór á fimmtudaginn. Kjartan Henry byrjaði á varamannabekknum en kom inná þegar hálftími var eftir af leiknum og hann átti aldeilis eftir að koma við sögu. Þegar tuttugu mínútur voru eftir af leiknum virtist Kjartan Henry stíga ofan á Atla Jens Albertsson, leikmann Þórs sem fór meiddur af velli stuttu síðar. Kjartan Henry fékk síðar í leiknum dauðafæri til þess að minnka muninn af vítapunktinum en skaut hátt yfir markið.

Ágúst Þór Gylfason, Fjölni

Enn eitt tapið hjá Fjölni sem hefur ekki tekist að vinna leik frá því í annarri umferðinni. Mikið var gert úr því að Fjölnir væri taplaust eftir sex umferðir en liðinu hefur ekki tekist að tryggja sér þrjú stig frá því áttunda maí. Fyrir vikið hefur liðið sogast niður í fallbaráttuna og ljóst er að Ágúst þarf að stappa stálinu í sína menn.

Mynd/Vísir
Tölfræðin:

Víkingur hefur aðeins tapað einum leik með Aron Elís í byrjunarliðinu af sjö á þessu ári. Aron Elís var meiddur í upphafi móts og kom inn af bekknum í fyrstu leikjunum en frá því að hann var í fyrsta sinn í byrjunarliðinu gegn Þór hefur Víkingur unnið fimm leiki í deild og einn í bikar og aðeins tapað fyrir KR í deildinni.

Fram sem hefur undanfarnar vikur sogast niður í botnbaráttuna hefur einungis tekist að ná í þrjú stig úr fimm leikjum á útivelli. Eini sigur liðsins kom fyrir mánuði síðan gegn Fjölni en liðið tapaði mikilvægum leik gegn Fylki í gær.

KR-liðið hefur tapað oftar í fyrstu 11 leikjum sínum í ár en í fyrstu 11 leikjunum í síðustu þremur titilvörnum sínum (2003, 2004 og 2012).

Þórsarar unnu sinn fyrsta sigur á ríkjandi Íslandsmeisturum síðan þeir unnu ÍA í fyrstu umferð 2002. Þórsliðið var búið að tapa fimm leikjum í röð á móti liði í titilvörn.

Víkingur er búinn að vinna jafnmarga leiki í fyrri umferðinni og samtals í síðustu tvö skiptin sem liðið var uppi(3 leikir 2007 og 3 leikir 2011).

Þórsarar héldu marki sínu hreinu í fyrsta sinn í Pepsi-deildinni í sumar en Akureyrarliðið var búið að fá á sig tvö mörk eða fleiri í 6 af 10 fyrstu leikjum sínum.

KR-liðið hefur klikkað á þremur síðustu vítaspyrnum sínum í Pepsi-deildinni en hafði fyrir þær aðeins mistekist að skora úr 1 af 21 víti í efstu deild á árunum 2009 til 2013.

Mynd/Vísir
Skemmtilegir punktar úr Boltavaktinni:

Guðmundur Tómas Sigfússon í Eyjum:

Óskar Zoega heldur boltanum úti við hornfánann en fáninn er gríðarlega nálægt Herjólfsdalnum en þar líður Óskari mjög vel.

Eiríkur Stefán Ásgeirsson á Fylkisvelli:

Finnur Kolbeinsson var að fá sér sæti í stúkunni með kaffibolla í hendi. Besti maður Íslandsmótsins 2001 og hefur ekkert breyst.

Guðmundur Marinó Ingvarsson í Víkinni:

Guðmundur Torfason er meðal áhorfenda. Hann skartar glæsilegum sólgleraugum en er samt auðþekkjanlegur.

Hæstu og lægstu einkunnir:

Shawn Nicklaw, Þór - 8

Aron Elís Þrándarson, Víking - 8

Elfar Árni Aðalsteinsson, Breiðablik - 8

Jonathan Glenn, ÍBV - 8

Veigar Páll Gunnarsson, Stjörnunni - 8

Matarr Jobe, Val - 3

Mynd/Vísir
Umræðan á #Pepsi365:

Flottasta mark umferðarinnar: Atvik umferðarinnar: Öll mörk 10. umferðar:
Pepsi Max-deild karla

Tengdar fréttir

Mest lesið


Fleiri fréttir

Sjá meira


×

Mest lesið