Gæsir hrella bændur

Umhverfis- og auðlindaráðuneytið hefur ákveðið að láta kanna, í samráði við Bændasamtökin, ágengni gæsa og álfta á ræktarlönd bænda. 

Rannsóknin á að vera fyrsta skref í átt að aðgerðaráætlun til að bregðast við vandanum, en gæsir og álftir herja mjög á ræktarlönd bænda.

Dæmi eru um að bændur hafi gripið til þess að skjóta fuglana til að losna við þá af landi sínu. Fuglarnir fara um og skemma tún landsins. 

Ætlast er til þess að bændur svari könnuninni á svokölluðu Bændatorgi sem allir bændur hafa aðgang að en hægt verður að svara henni í næsta mánuði.