Stórnotendur fá meiri orku

Rennsli í miðlunarlón Landsvirkjunar er tekið að aukast og því hefur fyrirtækið dregið úr skerðingum á afhendingu orku til stórnotenda. Gripið var til skerðingarinnar vegna slæmrar stöðu í lónunum í lok febrúar.

Í byrjun maí var dregið um helming úr skerðingum til stórnotenda, og vonir standa til þess að hægt verði að veita alla umbeðna orku fyrir lok mánaðarins, að því er fram kemur á vef Landsvirkjunar.

Spár gera ráð fyrir því að rennsli í miðlunarlón muni aukast áfram á næstunni.