Þingmaður keppti í blaki

Þingmaðurinn Steingrímur J. Sigfússon var á meðal keppenda á Öldungamótinu í blaki sem var haldið á Akureyri um síðustu helgi. Steingrímur keppti lengi vel í blaki með ÍS og spilaði einmitt með öldungaflokki félagsins á Akureyri.

Árangurinn olli vonbrigðum því liðið féll um deild en Steingrímur ku engu að síður hafa sýnt gömul og góð tilþrif uppi við netið.

Alls tóku um 1.300 blakmenn af öllu landinu þátt í mótinu, sem er mesti fjöldinn til þessa. Margir þeirra létu sig ekki vanta á skemmtistaðinn Sjallann á föstudagskvöldinu þar sem þeir slettu úr klaufunum í góðra vina hópi. Steingrímur var á meðal þeirra og þótti fara mikinn á dansgólfinu undir taktföstum tónum plötusnúða.