Fundu árásarmanninn á Facebook

Hæstirréttur staðfesti í dag dóm sem féll í héraði í maí á síðasta ári yfir manni sem hafði kýlt annan í andlitið með krepptum hnefa í andlitið. Höggið kom á vinstra kinnbein, vinstra auga og nef með þeim afleiðingum að fórnarlambið hlaut ýmiss konar beinbrot í andliti; nefbrot, kjálkabrot á framvegg vinstri kjálkaholu, brot í botni vinstri augntóftar, yfirborðsáverka við vinstra auga, rispu undir hægra auga auk grunns sárs vinstra megin á nefi.

Sá sem kýldi var dæmdur til að greiða fórnarlambi sínu 600 þúsund krónur í miskabætur, auk málskostnaðar og hlaut hann að auki fimm mánaða skilorðsbundinn fangelsisdóm.

Fórnarlambið og vinir hans höfðu heyrt manninn kallaðan Björn og með þær upplýsingar fóru þeir á Facebook og fundu viðkomandi – og gátu þannig lagt kæru á hendur honum.