Löt eftir giftinguna

Leikkonan Zoe Saldana segist aldrei hafa verið jafn löt og þetta árið, eða eftir að hún gifti sig síðasta sumar. 

Þetta segir Saldana við tímarit vefverslunarinnar Net-A-Porter, Porter Magazine. Leikkonan segist aldrei hafa verið jafn löt að mæta í ræktina og aldrei hafi hún verið jafn kærulaus varðandi mataræðið eins og síðasta ár. 

Saldana kom öllum á óvart er hún giftist ítalska listamanninum Marco Perego í júní í fyrra eftir aðeins fimm mánaða samband. 

Hún er þessa dagana að kynna nýjustu mynd sína, Guardians of the Galaxy, en fyrrverandi kærasti hennar, leikarinn Bradley Cooper er einnig í myndinni.