Spila franska flaututónlist

Emilía Rós Sigfúsdóttir og Ástríður Alda Sigurðardóttir koma fram á hádegistónleikum í Listasafni Íslands við Fríkirkjuveg á morgun milli klukkan 12.10 og 12.40.

Á tónleikunum sem bera yfirskriftina Sanctuary – Griðastaður, með vísun í málverkið Sanctuary eftir Jón Óskar, verður flutt frönsk tónlist eftir þá C. Saint-Saëns, G. Fauré og F. Poulenc.

Það eru Íslenski flautukórinn og Listasafn Íslands sem standa fyrir hádegistónleikum síðasta föstudag hvers mánaðar er bjóða upp á fjölbreytta tónlist til að vinda ofan af vinnuvikunni, stilla hugann af fyrir helgina og endurræsa skilningarvitin.

Aðgangur er ókeypis.