Fyrstu bandarísku hermennirnir komnir til Íraks

Bandarísk stjórnvöld hafa lofað að senda 300 sérþjálfa hermenn til landsins með það að markmiði að vinna bug á vargöldinni sem ríkt hefur í Írak á síðustu vikum. Helmingur þeirra hefur verið fluttur á vígstöðvarnar og búist er við hinum helmingi hópsins á næstu dögum.
Mennirnir munu koma til með að aðstoða Íraka í baráttu sinni án þess þó að hleypa sjálfir af vopnum. Liðsstyrkur þeirra eigi aðallega að felast í ráðgjöf og upplýsingaöflun - þrátt fyrir að írösk stjórnvöld hafi farið fram á hernaðaríhlutun Bandaríkjamanna. Barack Obama, forseti Bandaríkjanna, hefur þó verið tregur fram til þessa að fallast á beiðni þeirra um loftárásir á mikilvægar bækistöðvar ISIS-samtakanna.
Talið er þó að Bandaríkjamenn setji ákveðin skilyrði fyrir slíkri aðstoð, meðal annars þau að ríkisstjórn landsins verði stokkuð upp en þeir eru sagðir orðnir þreyttir á stjórnarháttum forsætisráðherrans Nouri al Maliki, sem er sakaður um að hafa níðst á súnní minnihlutanum í landinu. Meðlimir ISIS eru súnníar.
Uppreisnarmennirnir hafa nú stjórn á stórum landsvæðum í norður og vesturhluta landsins, þar á meðal næst stærstu borginni Mosul. Þá stjórna þeir landamærunum inn í Sýrland og Jórdaníu og sækja nú að mikilli vatnsaflsvirkjun við borgina Haditha en nái þeir henni á sitt vald gætu þeir skrúfað fyrir rafmagnið í stórum hluta landsins.
Átökin gegn uppreisnarmönnum hafa kostað á annað þúsund manns lífið það sem af er júnímánuði og samkvæmt tölum frá eftirlitsmönnum á vegum Mannréttindastofnunnar Sameinuðu þjóðanna eru flestir þeirra föllnu óbreyttir borgarar.
Tengdar fréttir

Kerry lofar Írak stuðningi í baráttunni gegn Isis
Utanríkisráðherra Bandaríkjanna segir næstu daga og vikur skipta öllu máli.

Íbúar í Bagdad hamstra matvæli
Íbúar í Bagdad höfuðborg Íraks eru byrjaðir að hamstra matvæli og safna vatni en vígamenn Isis samtakanna nálgast nú borgina óðfluga.

Þrýst á al Maliki forsætisráðherra
Andlegur leiðtogi sjía-múslima í Írak gagnrýnir forsætisráðherra landsins og vill að mynduð verði betri stjórn sem tekur hagsmuni annarra en sjía með í reikninginn.

Komið að vendipunkti í Írak
Arabalönd ættu ekki að veita súnnímúslimum fjárstuðning í átökum sem eru að breytast í landamærastríð milli Írak og Sýrlands, að sögn Johns Kerry, utanríkisráðherra Bandaríkjanna.

Bandaríkin skora á al Maliki
Bandarískir ráðamenn hafa hvatt til þess að mynduð verði ný stjórn í Írak.

Olíuhreinsistöðin í Bají á valdi Isis
Uppreisnarmenn súnníta í Írak undir forystu Isis samtakanna segjast hafa náð fullri stjórn á olíuhreinsistöðinni í Bají, norður af höfuðborginni Bagdad.

Ísis sækir í sig veðrið í Írak
Yfirvöld í Írak virðast nú hafa misst stjórnina á vesturlandamærum landsins og ráða Ísis samtökin nú yfir landamærastöðvunum inn í Sýrland og Jórdaníu.

Krefst ekki afsagnar al Malikis forseta
Barack Obama Bandaríkjaforseti segir Bandaríkin reiðubúin til að senda allt að 300 manns til Íraks til að gefa íraska hernum ráð í baráttunni við herskáa íslamista.

Flókin staða í Írak
Mikið óvissu- og upplausnarástand er nú í Írak. Öfgasamtökin ISIS hafa náð á sitt vald stórum landsvæðum í norðurhluta landsins og ráða meðal annars landamærastöðvum á mörkum Íraks og Sýrlands og Jórdaníu. ISIS segist berjast fyrir málstað súnní-múslíma, sem eru minnihlutahópur í Írak. Raunveruleg hætta er á að landið klofni með tilheyrandi ófriði, í heimshluta sem mátti ekki við meiri stríðsátökum.

Vilja að Bandaríkjamenn geri loftárásir á Isis
Barack Obama Bandaríkjaforseti telur sig ekki þurfa leyfi frá þinginu, ákveði hann að beita hernum í baráttunni gegn Ísis samtökunum í Írak.

Segja Írakstríðið ekki hafa verið þess virði
Yfirgnæfandi meirihluti Bandaríkjamanna telja að innrásin árið 2003 og átökin sem henni fylgdu hafi ekki borgað sig.

Herstöðvar á landamærum Íraks og Sýrlands herteknar
Um mikinn áfangasigur er að ræða fyrir ISIS þar sem samtökin hafa nú tryggt öruggan og stöðugan flutning hergagna yfir landamærin.

Íranar reiðubúnir að verja helga staði í Írak
Uppreisnarmenn sækja að mörgum heilögum stöðum sjía norður af Bagdad.

Fimmtíu milljónir manna á flótta
Flóttamenn í heiminum hafa ekki verið fleiri síðan á tímum seinni heimsstyrjaldarinnar.