Víkingar styrkja hópinn með ungum leikmönnum

Víkingur hefur gengið frá samningum við hinn nítján ára Stefán Þór Pálsson sem kemur til liðsins frá KA. Þetta staðfesti Milos Milojevic, annar þjálfara liðsins, við Fótbolta.net í dag.

Stefán Þór er sóknarmaður sem á leiki að baki með KR, Grindavík, Breiðablik og ÍR í bæði Pepsi-deild karla og 1. deildinni. Þessi nítján ára Breiðhyltingur hefur því komið víða við á stuttum ferli.

Þá eru Víkingar á góðri leið með að semja við Kristófer Pál Viðarsson, sautján ára leikmann frá Leikni í Fáskrúðsfirði. Hann hefur spilað með meistaraflokki félagsins undanfarin þrjú sumur og skoraði fjórtán mörk í tíu leikjum í 3. deildinni á nýliðnu tímabili.