Biðlistinn hefur nítjánfaldast á þremur árum

96 manns hafa verið á biðlista lengur en þrjá mánuði eftir að komast í hjarta- og/eða kransæðamyndatöku á Landsspítalanum en þeir voru 123 í október síðastliðinn.

Þetta kemur fram í Talnabrunni, fréttabréfi landlæknisembættisins sem kom út í dag.

Þeim hefur hins vegar fjölgað frá sama tíma fyrir ári, en þá biðu 53 eftir slíkri aðgerð. Á sama tíma árið 2011 voru einungis fimm einstaklingar á biðlistanum. Biðlistinn hefur því  nítjánfaldast á þremur árum.

Hér að neðan má sjá skýringarmynd frá fréttabréfi landlæknisembættisins um biðlistann.

Áfram er fjöldi einstaklinga sem beðið hafa lengur en þrjá mánuði eftir aðgerð áberandi mestur fyrir skurðaðgerð á augasteini.

Einstaklingum sem beðið hafa lengur en þrjá mánuði eftir gerviliðaaðgerð á mjöðm heldur einnig áfram að fjölga og hefur fjöldi á biðlista sjaldan verið meiri.