Innlent

Norskt skip fann loðnu

Hanna Rún Sverrisdóttir skrifar
VÍSIR/ÓSKAR P. FRIÐRIKSSON
Loðnuskipið Norafjell er væntanlegt til Neskaupsstaðar með 850 tonn af loðnu. Loðnan var veidd á Skjálfanda og gert er ráð fyrir því að aflinn fari til manneldisvinnslu. Norafjell er annað tveggja norskra loðnuskipa sem tilkynnt hafa um afla á Skjálfanda. Tvö önnur norsk skip eru á veiðum þar sem stendur.

Að minnsta kosti eitt íslenskt loðnuskip er komið á miðin á Skjálfanda.

Eins og fram hefur komið á Vísi hefur stefnt í það að loðnuvertíðin í ár verði sú næstversta í nærri tvo áratugi. Útgerðarmenn eru svekktir en vona það besta. 


Tengdar fréttir

Stefnir í næstverstu loðnuvertíð í ára raðir

Þjóðarbúið verður af tugum milljarða vegna slæmrar loðnuvertíðar. Allt stefnir í að loðnuvertíðin í ár verði sú næstversta í hartnær tvo áratugi. Útgerðarmenn eru svekktir en vona þó það besta.

Finna enga loðnu

Engin loðna finnst enn norðaustur af landinu, en hún hvarf fyrir fimm dögum. Nokkur íslensk skip eru að leita fyrir sér og fimm norsk skip, en ekkert finnst.

Norsku loðnuskipin gefast upp

Norðmenn hafa gefist upp á loðnuleitinni hér við land og tóku skipin að streyma heim á leið í nótt. Að minnstakosti tíu skip tilkynntu um heimferð í gærkvöldi og í nótt og áður voru nokkur skip farin heim aflalaus.

Norsku loðnuskipin reyna fyrir sér

Tvö norsk loðnuskip, sem hafa ásamt íslenska loðnuflotanum og hátt í 30 norskum skipum, legið í landi undanfarna daga, héldu út til leitar í gær, en hafa að líkindum ekki fundið neitt, því þau hafa ekki tilkynnt um afla.

Mest lesið


Fleiri fréttir

Sjá meira


×

Mest lesið