Norsku loðnuskipin reyna fyrir sér

Tvö norsk loðnuskip, sem hafa ásamt íslenska loðnuflotanum og hátt í 30 norskum skipum legið í landi undanfarna daga, héldu út til leitar í gær, en hafa að líkindum ekki fundið neitt því þau hafa ekki tilkynnt um afla.

Fyrir utan að loðnan hvarf skyndilega af miðunum, hefur verið slæmt veður á þeim slóðum, sem menn telja að hana sé helst að finna.

Þær fréttir bárust svo í gær frá skuttogaranum Bergey, að loðna hafi ánetjast í trollið þegar skipið var að veiðum austur af Breiðdalsvík, og verður það væntanlega kannað nánar í dag.