Nýr sveitarstjóri Flóahrepps

Eydís Þ. Indriðadóttir hefur verið ráðinn sveitarstjóri Flóahrepps frá og með 1. ágúst n.k. úr hópi 38 umsækjenda. Eydís var oddviti Ásahrepps á síðsta kjörtímabili og er búsett í Laufási í því sveitarfélagi.

Eydís hefur setið í skipulagsnefndum, skólanefndum, verið formaður Mennta- og menningarnefndar Suðurlands og átt sæti í stjórn Samtaka Orkusveitarfélaga á Íslandi.

Hún er menntaður kennari og er með M.Sc. gráðu í mennta- og menningarstjórnun frá Háskólanum á Bifröst. Flóahreppur er 290 km² að stærð og búa 640 manns í því.