Íslenskar konur prýða forsíður og freista gæfunnar

Samfélagsmiðillinn Instagram er orðinn virkur í markaðssetningu víðs vegar í takt við samfélagsmiðilinn, Facebook.

Lúxus netverslunin Net-a-porter hefur nú hafið sniðuga markaðssetningu með Instagram-leik í tengslum við útkomu nýja tískutímaritsins Porter sem væntanlegt er á markað í febrúar. Leikurinn felst í því að fylgjendur hlaða niður appinu iamporter og birta mynd af sér í tískublaðsútgáfu ásamt því að kassmerkja setninguna #Iamporter og deila áfram. Leiknum lýkur hinn 25. febrúar og eru verðlaunin tæplega milljón króna verslunarúttekt hjá netversluninni Net-a-porter. Nú þegar hafa nokkrar íslenskar konur tekið þátt í leiknum og deilt spennandi forsíðum.