Verða Barein og SAF með á HM í Katar eftir allt saman?

18. nóvember 2014 09:00

Skrípaleiknum í kringum HM í Katar virðist alls ekki vera lokið. Nú berast fréttir af því að Barein og Sameinuðu arabísku furstadæmin gætu tekið sæti á mótinu eftir allt saman.

Bæði lönd voru hætt við þáttöku. Ástæðan var af pólitískum toga en mikil togstreita hefur verið í samskiptum þjóðanna við Katar.

Sendiherrar landanna höfðu til að mynda yfirgefið Katar en á sunnudag snéru þeir aftur. Þar með lauk átta mánaða pólitískum átökum á milli þjóðanna.

Þá er stóra spurningin hvort þau sækist eftir sæti sínu á HM á ný þar sem ástandið er breytt? Ef þau gera það hefur IHF þá áhuga á að hleypa þeim aftur inn? Það myndi hugsanlega létta þeim lífið þar sem margar þjóðir vilja fá sætin tvö.

Það verður áhugavert að sjá en IHF mun taka málefni þjóðanna fyrir á föstudag og þá á að ákveða hvaða þjóðir fái þessi tvö sæti sem þau skildu eftir sig.

Handbolti

Tengdar fréttir

HSÍ ætlar að berjast fyrir farseðlinum til Katar

Möguleikar Íslands á að taka þátt á HM í Katar í janúar jukust mikið í gær þegar Barein ákvað að draga lið sitt úr keppni. Nýju reglurnar hjá IHF, sem urðu þess valdandi að Þjóðverjar fóru á HM en ekki Ísland, gætu á endanum orðið þess valdandi að Ísland

8. nóvember 2014 08:30

HSÍ er búið að hafa samband við IHF

Það er óvænt eitt opið sæti á HM og formaður HSÍ hringdi í IHF í dag og ítrekaði kröfu sína um að láta Ísland fá sæti á mótinu.

7. nóvember 2014 16:14

Barein ekki með á HM | Ákvörðun tekin 21. nóvember

Ísland gæti tekið þátt á HM í Katar eftir að Barein dró lið sitt úr keppni.

7. nóvember 2014 14:50

Formaður HSÍ: Möguleikar okkar hafa aukist | Eru Ungverjaland og Serbía framar en Ísland í röðinni?

Hringavitleysan í kringum HM í Katar heldur áfram, en ekki er loku fyrir það skotið að Ísland verði með eftir allt saman.

9. nóvember 2014 09:00

Furstadæmin draga lið sitt úr keppni | Líklegt að Ísland verði með í Katar

Dramatíkin í kringum HM í handbolta í Katar á næsta ári virðist engan enda ætla að taka, en franska fréttastofan AFP hefur greint að Sameinuðu arabísku furstadæmin hafi dregið lið sitt úr keppni, sem þýðir væntanlega að möguleikar Íslendinga að taka sæti á HM hefur aukist til mikilla muna.

8. nóvember 2014 13:51