Ásdís hafnaði í fjórða sæti

Keppnistímabilið hjá spjótkastkonunni Ásdísi Hjálmsdóttur hófst formlega í dag. Þá tók hún þátt á sterku móti í Portúgal.

Ásdís stóð sig ágætlega og kastaði best 59,10 metra en sá árangur dugði í fjórða sætið á mótinu. Bronsverðlaunahafinn á síðustu ÓL, Linda Stahl, vann mótið með kasti upp á 61,20 metra kasti.

Besti árangur Ásdísar er 62,77 metrar og hún á því talsvert inni en tímabilið er rétt að hefjast eins og áður segir.

Hún hefur reyndar ekki byrjað jafn vel síðan árið 2010 þannig að það lofar góðu.