Gummi Ben lýsir leik Tékklands og Íslands á Bylgjunni

Guðmundur Benediktsson mun halda utan um helgina og verður svo í banastuði í Plzen er stórleikur Tékklands og Íslands fer fram á sunnudagskvöld.

Toppsætið í riðlinum er undir í þessum leik og 600 Íslendingar verða á vellinum til þess að hvetja íslenska liðið áfram. Það verður góð stemning innan sem utan vallar.

Guðmundur lýsti leik Noregs og Íslands í síðustu undankeppni og umspilsleikjunum gegn Króatíu á Bylgjunni við afar góðar undirtektir hlustenda.

Munið því að stilla inn á Bylgjuna næstkomandi sunnudagskvöld til þess að fá Gumma Ben beint í æð.