Innlent

Gísli Freyr játar að hafa rætt um Tony Omos við lögreglustjóra

Heimir Már Pétursson skrifar
Gísli Freyr Valdórsson, fyrrverandi aðstoðarmaður innanríkisráðherra, viðurkennir að hafa rætt við fyrrverandi lögreglustjóra á Suðurnesjum um málefni hælisleitandans Tony Omos daginn sem fréttir sem byggðu á leka hans til fjölmiðla birtust. Fyrr í dag neitaði Gísli Freyr í viðtölum við aðra fjölmiðla að hafa rætt mál hælisleitandans við lögreglustjóra.

Fyrsta fréttin sem byggði á upplýsingum úr minnisblaði sem Gísli Freyr lak til fjölmiðla um hælisleitandann Tony Omos birtist í Fréttablaðinu miðvikudaginn 20. nóvember í fyrra. Í DV í dag er greint frá því að Gísli Freyr hafi átt þrjú samtöl í síma við Sigríði Björk Guðjónsdóttur, þáverandi lögreglustjóra á Suðurnesjum og núverandi lögreglustjóra á höfuðborgarsvæðinu, daginn sem fréttin birtist í Fréttablaðinu og á mbl.is.

Voruð þið að ræða þessi mál?

„Samkvæmt mínum gögnum þá hringdi ég í Sigríði tvisvar þennan dag. Ég man ekki um hvað fyrra símtalið var. Ég heyrði oft í Sigríði en ég man það, og ég er með þá punkta hjá mér, að í seinna símtalinu þá spurði ég hana um rannsóknina á Tony Omos. Hvernig hún stæði og hvort henni færi að ljúka og svo framvegis,“ segir Gísli Freyr.

Manstu hvaða svör hún gaf þér?

„Þau voru af mjög skornum skammti.“

Þá var náttúrlega málið komið í fréttir, lýsti hún einhverjum áhyggjum yfir því?

„Já hún hafði auðvitað áhyggjur af þessu eins og allir aðrir.“

Lýsti hún áhyggjum af því að þessi mál væru komin í fjölmiðla?

„Já, það var það sem hún lýsti áhyggjum yfir að þarna hefðu upplýsingar komist á framfæri sem ættu ekki að vera á allra vitorði,“ segir Gísli Freyr.

Hann segist hins vegar aldrei hafa rætt mál Tony Omos við lögreglustjóra áður en hann lak upplýsingunum til fjölmiðla.

Í yfirlýsingu sem Sigríður Björk sendi frá sér í dag kemur fram að hún óskaði í dag eftir upplýsingum um umrædd símtöl úr gögnum Ríkissaksóknara „samkvæmt lögum um aðgang að gögnum sakamála sem er lokið.“  Þar væri staðfest að þau hafi rætt saman í tvígang daginn sem lekinn birtist.

Þá segir í yfirlýsingu Sigríðar Bjarkar: „Í samtölum okkar óskaði Gísli Freyr m.a. eftir greinargerð frá embætti lögreglustjórans á Suðurnesjum um málefni Tony Omos er tengdust m.a. hælisumsókn hans og því að hann var eftirlýstur á þessum tíma og talinn vera í felum á Suðurnesjum. Umbeðin greinargerð var send Gísla Frey að kvöldi 20. nóvember kl. 21.21.“

Ekkert í samskiptum okkar Gísla Freys gaf til kynna að hann hafi lekið upplýsingum til fjölmiðla. Vitneskju mína um margrætt minnisblað hef ég úr fjölmiðlum og ég heyrði fyrst af játningu Gísla Freys í fjölmiðlum,“ segir lögreglustjóri í yfirlýsingu sinni.

„Þarna spurði ég bara um gang málsins eða um rannsókn málsins og ég hefði auðvitað ekki átt að gera það frekar en annað sem ég hefði ekki átt að gera í þessu máli,“ segir Gísli Freyr.

Gerðirþú þaðvegna beiðni ráðherraáeinhvern hátt?

„Nei alls ekki. Ég held að hún hafi ekki vitað af okkar símtölum.“

Fannstþér aðmeð þvíaðkomaþessuáframfæri værirþúmeðeinhverjum hætti aðverja ráðuneytiðeða ráðherrann?

„Ekki ráðherrann sérstaklega. Hún hafði ekki komið að þessu máli með neinum hætti. Þannig að kannski ráðuneytið, kannski þennan málaflokk. Vonandi gefst mér tími til að útskýra það einhvern tíma seinna.“

Hvaðvarþaðvið þennan málaflokk semþér fannst aðmætti fara betur?

„Mér fannst það að þegar fólk var að fara með einstaka málefni í fjölmiðla, að þá er það auðvitað einhliða umfjöllun og mér fannst fólk eiga rétt á að sjá aðra hluti líka. Það voru mín mistök,“ sagði Gísli Freyr Valdórsson. 


Tengdar fréttir

Gísli Freyr bað samstarfsfólkið afsökunar

Gísli Freyr Valdórsson, fyrrverandi aðstoðarmaður Hönnu Birnu Kristjánsdóttur, bað samstarfsfólk sitt í innanríkisráðuneytinu afsökunar á lekanum í morgun.

„Góður maður hengdur“

Margir félagar Gísla Freys Valdórssonar vilja rísa upp honum til varnar og telja dóminn yfir honum þungan.

Gísli ræddi við Sigríði daginn sem gögnin voru birt

Aðstoðarmaður innanríkisráðherra átti í talsverðum samskiptum við Sigríði Björk Guðjónsdóttur, þáverandi lögreglustjóra á Suðurnesjum, daginn sem fréttir birtust byggðar á leka úr ráðuneytinu.

Gísli Freyr sagði sig úr stjórn Fíladelfíu

Gísli Freyr Valdórsson hefur sagt sig úr stjórn og rekstrarráði kirkjunnar í dag. Þetta staðfesti Aron Hinriksson, forstöðumaður safnaðarins, í samtali við Vísi.




Fleiri fréttir

Sjá meira


×