Daníel Laxdal framlengir við Stjörnuna

Daníel Laxal, varnarmaður Stjörnunnar, hefur framlengt samning sinn við Stjörnuna til næstu þriggja ára en félagið tilkynnti það á Twitter-síðu sinni í dag.

Daníel varð Íslandsmeistari með liðinu í sumar og verið á mála hjá félaginu alla sína tíð. Hann á að baki meira en 200 leiki í meistaraflokki og hefur skorað í þeim 10 mörk. Hann spilaði alla 22 leiki liðsins í sumar en Stjarnan tapaði ekki leik allt tímabilið.

Hann er 28 ára gamall en lék sinn fyrsta deildarleik í meistaraflokki sumarið 2004, er Stjarnan lék í 1. deild karla.

Það gleður okkur að tilkynna að Daníel Laxdal hefur skrifað undir til þriggja ára #InnMeðBoltann #fotbolti #skeidin pic.twitter.com/92PqH4vqWH

— Stjarnan FC (@FCStjarnan) November 6, 2014