Gáfu þjóninum tólf þúsund krónur þó þjónustan væri glötuð

Hjónin Makenzie og Steven Schultz fögnuðu sex ára brúðkaupsafmæli sínu á sushi-staðnum Kazoku í Ceda Rapids í Iowa í Bandaríkjunum fyrir stuttu. Þau gáfu þjóninum sínum hundrað dollara í þjórfé, rétt rúmlega tólf þúsund krónur, þó þjónustan væri glötuð. Þau útskýra af hverju þau gerðu þetta í Facebook-færslu sem hefur farið á flug á samfélagsmiðlinum.

„Svona standa málin. Þjónustan í kvöld var glötuð,“ skrifar Makenzie við mynd af kvittuninni af veitingastaðnum.

„Við biðum í tuttugu mínútur eftir vatni, fjörutíu mínútur eftir forréttum og í rúmlega klukkustund eftir aðaléttunum. Fólk allt í kringum okkur gerði grín að veitingastaðnum og að því hve slæm þjónustan væri. Já, hún var frekar hræðileg,“ skrifar hún og bætir við að það hafi ekki verið þjóninum að kenna.

„Það var augljóst að vandamálið var að það var ekki nóg af starfsfólki að vinna. Þjónninn hljóp eins og óður maður um staðinn en var aldrei pirraður. Á einum tímapunkti taldi ég að hann þjónaði tólf borðum og barnum. Meira en ein manneskja getur gert! Er ég sat þarna og horfði á hann hlaupa fram og til baka og biðjast afsökunar á biðinni sagði ég við Steven: „Vá, við vorum einu sinni svona.“ Að þjóna til borðs. Ég sakna þess ekki og ég elskaði aldrei starfið. Ég vann það vegna þjórfésins.“ 

Þau hjónin ákváðu að gera vel við greyið þjóninn.

„Steven og ég vorum sammála um að það væri gaman að bjarga kvöldi náungans því hann myndi fá lítið sem ekkert þjórfé vegna slæmrar þjónustu,“ skrifar Makenzie en þau hjónin gáfu honum, eins og fyrr segir, rúmlega tólf þúsund krónur í þjórfé.

Rúmlega ein og hálf milljón manna hefur líkað við myndina af kvittuninni og rúmlega tvö hundruð þúsund manns hafa deilt henni á Facebook.

Post by Makenzie Schultz.