Páll Viðar hættur með Þór

Tilkynnt var á lokahófi knattspyrnudeildar Þórs í gærkvöldi að Páll Viðar Gíslason er hættur sem þjálfari liðsins en hann hafði þjálfað liðið frá því í byrjun sumars 2010.

Páll Viðar tók við af Lárusi Orra Sigurðssyni og kom Þór tvívegis upp í deild þeirra bestu en hann féll einnig með liðið í annað sinn í sumar.

Fyrst fór Páll Viðar upp með Þór sumarið 2010 en liðið féll strax sumarið á eftir.

Þór vann 1. deildina 2012 og hélt liðið sæti sínu í Pepsí deildinni í fyrra þegar liðið lenti í 8. sæti en liðið endaði í lang neðsta sæti deildarinnar í ár.