Munum funda með Magnúsi í vikunni

Sigurður Kristinn Gunnarsson, formaður meistaraflokksráðs karla hjá Val, segir að Magnús Gylfason hafi ekki tilkynnt stjórn knattspyrnudeildar að hann væri hættur að þjálfa liðið.

Sigurður Kristinn sagði í samtali við fréttastofu í morgun að fundað yrði með Magnúsi síðar í vikunni. Magnús sagði sjálfur eftir leik að hann væri búinn að ákveða sig en vildi ekki greina frá sinni ákvörðun.

Um helgina bárust fregnir af því að Magnús hafi tilkynnt leikmönnum um helgina að hann hefði tilkynnt leikmönnum að hann myndi hætta þjálfun liðsins.

Aðrir þjálfarar hafa verið orðaðir við starf Magnúsar á síðustu vikum en liðið tapaði fyrir Breiðabliki, 3-0, um helgina og endaði í fimmta sæti Pepsi-deildar karla.