Rudi Garcia þjálfari ítalska A-deildarliðsins Roma hóf sálfræðihernaðinn í gær fyrir leik Manchester City og Roma í Meistaradeild Evrópu á þriðjudaginn.
City tekur á móti Roma á þriðjudaginn en Roma rúllaði yfir CSKA Moskva 5-1 í fyrstu umferð riðlakeppni Meistaradeildarinnar á sama tíma og City tapaði fyrir Bayern Munchen.
„Þetta verður frábær viðburður,“ sagði hinn franski þjálfari Roma eftir 2-0 sigurinn á Emils Hallfreðssonar lausum Hellas Verona í gær.
„Þeir eru með núll stig og öll pressan á þeirra herðum. Þeir þurfa að fá úrslit á sínum heimavelli.
„Við vorum góðir og hópurinn sýndi að hann hefur trú á hæfileikum sínum. Þessi hópur er tilbúinn að takast á við erfiðu augnablikin.
„Við erum lánsamir að vera í riðli með tveimur af bestu liðum Evrópu. Við verðum að njóta augnabliksins og vera öflugir,“ sagði Garcia.
Roma hefur unnið byrjað tímabilið frábærlega og unnið alla sex leiki sína í deildinni til þessa.
Garcia: Pressan er á Manchester City
Guðmundur Marinó Ingvarsson skrifar

Mest lesið


Gervigreindin spáir í fyrstu umferðina
Enski boltinn

Sjáðu upphitunarþátt fyrir enska boltann í heild
Enski boltinn

„Galið og fáránlegt“
Íslenski boltinn




Keflavík fær bandarískan framherja
Körfubolti


ÍBV búið að tryggja sér sæti í Bestu deildinni
Íslenski boltinn