„Ég krefst þess að Hanna Birna Kristjánsdóttir segi af sér þingmennsku“

Komið hefur verið á fót undirskriftarsöfnun þar sem þess er krafist að innanríkisráðherra segi af sér.

„Axlaðu ábyrgð Hanna Birna Kristjánsdóttir,“ segir á vefsíðunni Austurvöllur.is þar sem undirskriftunum er safnað. Grundvöllur lýðræðis sé að kjósendur geti treyst kjörnum fulltrúum á Alþingi, ráðherrum og ríkisstofnunum. Með lögum skuli land byggja og æðsti yfirmaður löggæslu hafi orðið uppvís „að því að segja þingi og þjóð ítrekað ósatt í svokölluðu “lekamáli”,“ segir á síðunni.

Hanna Birna verður við óundirbúnar fyrirspurnir í upphafi þingfundar í dag klukkan 13.30 ásamt forsætisráðherra og mennta- og menningarmálaráðherra. Sýnt verður beint frá umræðunum hér á Vísi.