Tveimur mönnum bjargað úr sjálfheldu í nótt

Tveimur ungum mönnum var bjargað úr sjálfheldu á Esju um í nótt. Þeir voru að klifra Einfarann, þekkta klifurleið í Eilífsdal í Esju, rétt eftir miðnætti í gær þegar þeir lentu í vandræðum.  

Mennirnir, sem eru um tvítugt, náðu að tryggja sig og hringja eftir aðstoð. Sérhæft fjallabjörgunarfólk frá björgunarsveitum á höfuðborgarsvæðinu var kallað út. Mennirnir kveiktu á blysum til að vísa björgunarmönnum leiðina en staðsetning þeirra var óljós.

Björgunarmennirnir þurftu að síga niður fyrir brúnina þar sem mennirnir voru undir og hífa þá upp.

Búið var að hífa þá upp um klukkan fjögur. Mennirnir reyndust heilir á húfi en annar var þó orðinn nokkuð kaldur. Þeir voru komnir í bíl um klukkan 5:30 í morgun. Björgunaraðgerðir stóði í hátt í fjórar klukkustundir og 35 manns tóku þátt í þeim.