Lorde kvartar undan Photoshop

Nýsjálenska söngkonan Lorde birti fyrr í dag tvær mismunandi myndir af sér á samfélagsmiðilinn Twitter. Myndirnar voru báðar teknar á sömu tónleikum söngkonunnar en ein þeirra hafði verið fótósjoppuð. 

Húð hennar hefur augljóslega verið sléttuð í myndvinnsluforriti á annarri þeirra en á hinni hafði ekkert verið gert til þess að breyta útliti hennar.

Sjálf segir hún við myndirnar á Twitter: „Mér þykir þetta forvitnilegt - tvær myndir frá deginum, önnur þeirra unnin þannig að húðin mín er fullkomin og hin ekta. Munið að gallar eru í lagi :-)“

i find this curious - two photos from today, one edited so my skin is perfect and one real. remember flaws are ok :-) pic.twitter.com/PuRhxt2u2O

— Lorde (@lordemusic) March 31, 2014