Snjóflóðum af mannavöldum fer fjölgandi

Fleiri snjóflóð féllu af mannavöldum í fyrra en nokkru sinni fyrr og þegar hafa mörg flóð fallið af sömu sökum í ár, sem rekja má til stóraukinnar vetrarferðamennsku utan alfaraleiða. Vegagerðin, leiðsögumenn og fleiri vinna að viðbrögðum við þessari hættu.

Ferðamenn sluppu yfirleitt ómeiddir í fyrra utan þess að leiðsögumaður slasaðist alvarlega í flóði í Ólafsfjarðarmúla í apríl í fyrra. Það er einkum fjölgun skíaðfólks, vélsleðamanna, göngufólks, ísklifrara og síðast en ekki síst snjóbrettafólks,  sem veldur auka álagi á snjóþekjuna, en við það geta snjóflóð hafist. 

Vegna þessa hóf snjóflóðavakt Veðurstofuunnar í fyrra að birta snjóflóðaspár á vef Veðurstofunnar og í október í fyrra gekkst vaktin fyrir ráðstefnu fagaðila í snjóflóðamálum. Hana sóttu meðal annars margir fjallaleiðsögumenn frá mörgum fyrirtækjum, skíðasvæðum, Landssambandi íslenskra vélsleðamanna og fleiri þar sem rætt var um hvernig draga megi úr áhættu vegna snjóflóða í óbyggðum.

Er nú þegar unnið að því að koma ýmsum hugmyndum í framkvæmd. Þá er ekki síst verið að greina hvaða upplýsingum og hvernig er brýnast að koma á framfæri og ætla áðurnefndir hópar að koma aftur saman á næsta ári til að meta framvinduna.