Líður eins og fanga

Sýnishorn úr raunveruleikaþættinum Lindsay, þar sem fylgst er með hinni umdeildu leik- og söngkonu Lindsay Lohan, er komið á netið. Þátturinn er frumsýndur á sunnudagskvöldið á sjónvarpsstöð Opruh Winfrey, OWN.

Oprah kemur við sögu í þættinum eins og sést í sýnishorninu og segir hún Lindsay að hætta öllu kjaftæði.

Lindsay hefur farið margoft í meðferð en ætlar nú að halda sig frá vímuefnum. Í þáttunum er fylgst með henni í þeirri baráttu en hún þarf líka að fást við paparassa og reyna að laga sambandið við fjölskyldu sína. 

Á einum tímapunkti í sýnishorninu er Lindsay spurð hvort henni líði eins og fanga.

„Já. Alltaf,“svarar hún.

Þá sést hún líka rífast við föður sinn Michael Lohan.

Sýnishornið má sjá hér.