„Forseti, ég hef orðið“ vítaverð ummæli Jakob Bjarnar skrifar 26. febrúar 2014 11:17 Lúðvík og Ögmundur voru víttir fyrir ummæli sem virðast ólíkt sakleysislegri en þau sem Gunnar Bragi lét flakka í gær. Valgerður sá ekki ástæðu til að víta utanríkisráðherra. Mikil ólga var á þingi í gærkvöldi þegar tekist var á um þingsályktunartillögu Gunnars Braga Sveinssonar utanríkisráðherra þess efnis að slíta beri umsvifalaust viðræðum við Evrópusambandið. Að mati þingmanna stjórnarandstöðunnar er ályktunin ekki tæk, meðal annars vegna þess að í greinargerð telja menn að vegið sé að æru manna með því að víkja að því að þingmenn hafi ekki kosið um aðildarviðræðurnar sumarið 2009 samkvæmt bestu samvisku. Þeir hafi þar með gerst sekir um stjórnarskrárbrot. Þingmenn, svo sem Katrín Júlíusdóttir Samfylkingu, töldu að ef Gunnar Bragi yrði ekki víttur fyrir svo alvarlegar ávirðingar, þá væru þingsköp marklaust plagg.Steingrímur J. Sigfússon VG var í ræðustóli þegar utanríkisráðherra kallaði úr sæti sínu: „Ég hef þó ekki logið að þinginu eins og þú.“ Varð þá uppi fótur og fit og kröfðust þingmenn þess að utanríkisráðherra yrði víttur af forseta þingsins og var í því sambandi vísað í þingsköp. Valgerður Gunnarsdóttir Sjálfstæðisflokki var þá í stóli forseta en hún sá ekki ástæðu til að víta þingmanninn. Seinna kom Gunnar Bragi í ræðustól og baðst afsökunar með orðunum „Mér þykir miður ef að ég hef vegið nærri þingmanninum, háttvirtum Steingrími J. Sigfússyni, og bið hann afsökunar á því.“ Þó ýmsir, svo sem Ólína Þorvarðardóttir fyrrverandi þingmaður, telji þetta afsökunarbeiðni með fyrirvörum og þar með ómarktæk, þá meðtók Steingrímur afsökunarbeiðnina. „Ég er ósammála því að Gunnar Bragi hafi beðið Steingrím afsökunar,“ segir Ólína á Facebooksíðu sinni. Í þingsköpum, 93. grein, segir að ef þingmaður talar óvirðulega um forseta Íslands eða ber þingið eða ráðherra eða einhvern þingmann brigslyrðum eða víkur með öllu frá umtalsefninu skal forseti kalla til hans: „Þetta er vítavert“, og nefna þau ummæli sem hann vítir. Nú er þingmaður víttur tvisvar á sama fundi og má þá forseti, með samþykki fundarins, svipta þingmanninn málfrelsi á þeim fundi. Fágætt er að þingmenn sæti vítum. Það gerðist þó í apríl árið 2005 þegar Halldór Blöndal, forseti Alþingis, vítti Lúðvík Bergvinsson, þingmann Samfylkingar, í umræðum um störf þingsins fyrir stundu. Halldór rak Lúðvík úr ræðustóli og sagði að orð hans, „Forseti, ég hef orðið“, væru vítaverð. Þetta þótti fréttnæmt, og var í annað sinn sem Halldór vítir Lúðvík fyrir ummæli í garð forseta Alþingis. Halldór vítti Ögmund Jónasson, þingmann Vinstri grænna, árið 2002 fyrir svipaðar sakir. Þá hafði enginn þingmaður verið víttur síðan árið 1957. Halldór hafði beðið Ögmund um að grípa ekki frammí fyrir forseta þingsins þegar hann talaði. „Það þekkir hann allavega, háttvísina," gall þá í Ögmundi. Og þegar komu fram óskir um vítur á hendur þingmanninum fyrir ummælin varð Halldór við því. Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Farþegar látnir sofa á gólfinu á hóteli í Keflavík Innlent „Forsetinn var aldrei óviðeigandi við neinn“ Erlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Sjö ára hlaupari kemur hópnum yfir línuna í sjötta maraþoninu á morgun Innlent Bíll konunnar sást á upptöku Innlent Hátt í tveggja tíma veðmálaauglýsing í boði Rúv Innlent Fleiri fréttir Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Áfall fyrir RIFF Skipar samningateymi um uppbyggingu Víkings á Markarsvæði Leituðu ítrekað í geymslur stofnunar Sjá meira
Mikil ólga var á þingi í gærkvöldi þegar tekist var á um þingsályktunartillögu Gunnars Braga Sveinssonar utanríkisráðherra þess efnis að slíta beri umsvifalaust viðræðum við Evrópusambandið. Að mati þingmanna stjórnarandstöðunnar er ályktunin ekki tæk, meðal annars vegna þess að í greinargerð telja menn að vegið sé að æru manna með því að víkja að því að þingmenn hafi ekki kosið um aðildarviðræðurnar sumarið 2009 samkvæmt bestu samvisku. Þeir hafi þar með gerst sekir um stjórnarskrárbrot. Þingmenn, svo sem Katrín Júlíusdóttir Samfylkingu, töldu að ef Gunnar Bragi yrði ekki víttur fyrir svo alvarlegar ávirðingar, þá væru þingsköp marklaust plagg.Steingrímur J. Sigfússon VG var í ræðustóli þegar utanríkisráðherra kallaði úr sæti sínu: „Ég hef þó ekki logið að þinginu eins og þú.“ Varð þá uppi fótur og fit og kröfðust þingmenn þess að utanríkisráðherra yrði víttur af forseta þingsins og var í því sambandi vísað í þingsköp. Valgerður Gunnarsdóttir Sjálfstæðisflokki var þá í stóli forseta en hún sá ekki ástæðu til að víta þingmanninn. Seinna kom Gunnar Bragi í ræðustól og baðst afsökunar með orðunum „Mér þykir miður ef að ég hef vegið nærri þingmanninum, háttvirtum Steingrími J. Sigfússyni, og bið hann afsökunar á því.“ Þó ýmsir, svo sem Ólína Þorvarðardóttir fyrrverandi þingmaður, telji þetta afsökunarbeiðni með fyrirvörum og þar með ómarktæk, þá meðtók Steingrímur afsökunarbeiðnina. „Ég er ósammála því að Gunnar Bragi hafi beðið Steingrím afsökunar,“ segir Ólína á Facebooksíðu sinni. Í þingsköpum, 93. grein, segir að ef þingmaður talar óvirðulega um forseta Íslands eða ber þingið eða ráðherra eða einhvern þingmann brigslyrðum eða víkur með öllu frá umtalsefninu skal forseti kalla til hans: „Þetta er vítavert“, og nefna þau ummæli sem hann vítir. Nú er þingmaður víttur tvisvar á sama fundi og má þá forseti, með samþykki fundarins, svipta þingmanninn málfrelsi á þeim fundi. Fágætt er að þingmenn sæti vítum. Það gerðist þó í apríl árið 2005 þegar Halldór Blöndal, forseti Alþingis, vítti Lúðvík Bergvinsson, þingmann Samfylkingar, í umræðum um störf þingsins fyrir stundu. Halldór rak Lúðvík úr ræðustóli og sagði að orð hans, „Forseti, ég hef orðið“, væru vítaverð. Þetta þótti fréttnæmt, og var í annað sinn sem Halldór vítir Lúðvík fyrir ummæli í garð forseta Alþingis. Halldór vítti Ögmund Jónasson, þingmann Vinstri grænna, árið 2002 fyrir svipaðar sakir. Þá hafði enginn þingmaður verið víttur síðan árið 1957. Halldór hafði beðið Ögmund um að grípa ekki frammí fyrir forseta þingsins þegar hann talaði. „Það þekkir hann allavega, háttvísina," gall þá í Ögmundi. Og þegar komu fram óskir um vítur á hendur þingmanninum fyrir ummælin varð Halldór við því.
Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Farþegar látnir sofa á gólfinu á hóteli í Keflavík Innlent „Forsetinn var aldrei óviðeigandi við neinn“ Erlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Sjö ára hlaupari kemur hópnum yfir línuna í sjötta maraþoninu á morgun Innlent Bíll konunnar sást á upptöku Innlent Hátt í tveggja tíma veðmálaauglýsing í boði Rúv Innlent Fleiri fréttir Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Áfall fyrir RIFF Skipar samningateymi um uppbyggingu Víkings á Markarsvæði Leituðu ítrekað í geymslur stofnunar Sjá meira