Innlent

Lögreglan leitar að vitnum

Stefán Ó. Jónsson skrifar
Hyundai Tucson, grár að lit, var annar bílanna.
Hyundai Tucson, grár að lit, var annar bílanna.
Lögreglan á höfuðborgarsvæðinu óskar eftir vitnum að umferðaróhappi sem varð á gatnamótum Kauptúns og Urriðaholtsstrætis í Garðabæ í gær, miðvikudaginn 26. febrúar um klukkan 16:30.

Þar lentu saman Hyundai Tucson sem ekið var austur Kauptún og Suzuki Grand Vitara sem ekið hafði verið suður í átt að Urriðaholtsstræti.

Ökumönnunum ber ekki saman um stöðu umferðarljósa þegar óhappið varð.

Þeir sem urðu vitni að árekstrinum eru vinsamlegast beðnir um að hafa samband við lögregluna í síma 444-1000.

Einnig má senda upplýsingar í tölvupósti á netfangið abending@lrh.is eða í einkaskilaboðum á fésbókarsíðu lögreglunnar.

Mest lesið


Fleiri fréttir

Sjá meira


×

Mest lesið