"Þetta er voðalega leiðinlegt"

„Þetta kom mjög flatt upp á mig,“ segir Haukur Magnússon, stofnandi og eigandi Svarta-Hauks sem selur Lúpínuseyði. Heilbrigðiseftirlit Suðurlands innkallaði á dögunum seyðið þar sem það var framleitt við óheilnæmar aðstæður.

Haukur segir að seyðið sé framleitt fyrir fyrirtækið í Hveragerði og því komi Svarti-Haukur ekkert nálægt framleiðslunni. „Ég veitt ekki hvað það var sem þeir settu út á hjá honum og hvers vegna hann uppfyllti ekki öll starfsskilyrði. En það hefur aldrei verið kvartað undan þessari vöru, hún er alveg í lagi en svona eru leikreglurnar og við förum eftir þeim,“ segir Haukur.

Hann segir að fyrirtækið sé búið að finna nýjan framleiðandi sem hefji framleiðslu á Lúpínuseyðinu í næstu viku. „Þetta er voðalega leiðinlegt því þetta er mjög vinsæl vara hér á landi. En nýi framleiðandinn uppfyllir öll skilyrði heilbrigðiseftirlitsins,“