Ætlar til Bandaríkjanna að sýna Bradley Manning stuðning í verki 1. febrúar 2013 14:09 Birgitta Jónsdóttir "Ég mun fara (til Bandaríkjanna) í byrjun apríl og sýna í verki stuðning minn við Bradley Manning sem hefur setið í fangelsi í meira en 1000 daga án ákæru," segir Birgitta Jónsdóttir þingkona í bréfi til fjölmiðla í dag. „Fríður flokkur FBI manna sem mætti til Íslands í ágúst 2011 til að rannsaka WikiLeaks hérlendis var réttilega sendur heim af innanríkisráðherra Ögmundi Jónassyni. Honum ber að þakka fyrir að sýna slíka dirfsku og eindrægni," segir í bréfi Birgittu. Í bréfinu segist Birgitta vilja setja heimsóknina í samhengi við heimsóknir FBI heim til sín með og án sinnar vitundar. „...þar sem þeir fóru vandlega í gegnum samskipti mín, einkabréf og annað persónulegt. Þá könnuðu þeir jafnframt hvar ég hafði verið og með hverjum," segir Birgitta. Á bloggi sínu segir hún ástæðu þess að málið hafi ekki vakið meiri athygli en raun ber vitni ef til vill vera vegna þess að FBI fór ekki inn um útidyr sínar heldur Internetið. „Segja má að ég geymi mun viðkvæmari upplýsingar í tölvunni minni en annarsstaðar í raunheimum og hið sama á um langflesta borgara í nútíma samfélagi," segir Birgitta sem fékk skeyti frá samskiptamiðlinum Twitter í ársbyrjun 2011. „...þar sem mér var tilkynnt að Dómsmálaráðuneyti Bandaríkjanna hefði gert kröfu um að fá afhent mín persónugögn innan þriggja daga án minnar vitunar." Birgitta segir málið hafa farið fyrir dómstóla þar sem afnema tókst leyndina á kröfunni. Birgitta segist hafa fengið bestu mögulegu lögfræðinga vestanhafs til þess að stöðva aðförina að friðhelgi einkalífs síns. Það hafi þeir gert án endurgjalds enda hafi verið um prófmál að ræða. Birgitta segist hafa tapað málinu á öllum dómstigum nema því æðsta. Ákveðið hafi verið að fara ekki með málið fyrir æðsta dómstig og þar með eyðileggja fyrir öðrum í framtíðinni skyldi málið tapast. „Bandarísk yfirvöld fengu því dómsheimild til að fara inn á Twitter heimilið mitt á síðasta ári: aðgang að einkaskilaboðum og IP tölum til að greina staðsetningu. 25. janúar var lokatilraun okkar til að fá uppgefið fyrir dómstól hvaða 4 önnur fyrirtæki hafa afhent FBI mínar persónulegu upplýsingar hafnað á þeim forsendum að það myndi spilla fyrir rannsókn," segir Birgitta og spyr „Hvaða rannsókn?" enda hafi hún fengið kurteis skilaboð í þremur liðum frá bandaríska dómsmálaráðuneytinu snemma árs 2011. 1. Birgitta er velkomin til Bandaríkjanna. 2. Birgitta mun ekki verða yfirheyrð án hennar samþykkis. 3. Birgitta er ekki aðili að rannsókn um glæpsamlegar gjörðir. Þingkonan segir Utanríkisráðuneytið og lögfræðinga hafa eindregið ráðlagt sér að fara ekki til Bandaríkjana. Hún hafi hlýtt því en setur spurningamerki að hafa ekki ferðafrelsi til lands sem kenni sig við frelsi. Hún ætli utan í apríl. „Ég hef ekki framið nein lögbrot mér að vitandi og hyggst því láta reyna á þessa yfirlýsingu frá Dómsmálaráðuneyti vina minna í vestri. Ég mun fara í byrjun apríl og sýna í verki stuðning minn við Bradley Manning sem hefur setið í fangelsi í meira en 1000 daga án ákæru. Þá ætla ég að hitta lögfræðinga og margt gott fólk úr fræðisamfélaginu vestanhafs til að ræða þau málefni sem okkur er annt um, eins og t.d. upplýsinga og tjáningarfrelsi, sem og friðhelgi einkalífsins." Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Nefndin aldrei heyrt aðrar eins frásagnir en lítið að gerast Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Lík þriggja brimbrettakappa fundust í brunni í Mexíkó Erlent Reiðir yfir ummælum Macrons og halda æfingar með kjarnorkuvopn Erlent Fleiri fréttir Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Sjá meira
"Ég mun fara (til Bandaríkjanna) í byrjun apríl og sýna í verki stuðning minn við Bradley Manning sem hefur setið í fangelsi í meira en 1000 daga án ákæru," segir Birgitta Jónsdóttir þingkona í bréfi til fjölmiðla í dag. „Fríður flokkur FBI manna sem mætti til Íslands í ágúst 2011 til að rannsaka WikiLeaks hérlendis var réttilega sendur heim af innanríkisráðherra Ögmundi Jónassyni. Honum ber að þakka fyrir að sýna slíka dirfsku og eindrægni," segir í bréfi Birgittu. Í bréfinu segist Birgitta vilja setja heimsóknina í samhengi við heimsóknir FBI heim til sín með og án sinnar vitundar. „...þar sem þeir fóru vandlega í gegnum samskipti mín, einkabréf og annað persónulegt. Þá könnuðu þeir jafnframt hvar ég hafði verið og með hverjum," segir Birgitta. Á bloggi sínu segir hún ástæðu þess að málið hafi ekki vakið meiri athygli en raun ber vitni ef til vill vera vegna þess að FBI fór ekki inn um útidyr sínar heldur Internetið. „Segja má að ég geymi mun viðkvæmari upplýsingar í tölvunni minni en annarsstaðar í raunheimum og hið sama á um langflesta borgara í nútíma samfélagi," segir Birgitta sem fékk skeyti frá samskiptamiðlinum Twitter í ársbyrjun 2011. „...þar sem mér var tilkynnt að Dómsmálaráðuneyti Bandaríkjanna hefði gert kröfu um að fá afhent mín persónugögn innan þriggja daga án minnar vitunar." Birgitta segir málið hafa farið fyrir dómstóla þar sem afnema tókst leyndina á kröfunni. Birgitta segist hafa fengið bestu mögulegu lögfræðinga vestanhafs til þess að stöðva aðförina að friðhelgi einkalífs síns. Það hafi þeir gert án endurgjalds enda hafi verið um prófmál að ræða. Birgitta segist hafa tapað málinu á öllum dómstigum nema því æðsta. Ákveðið hafi verið að fara ekki með málið fyrir æðsta dómstig og þar með eyðileggja fyrir öðrum í framtíðinni skyldi málið tapast. „Bandarísk yfirvöld fengu því dómsheimild til að fara inn á Twitter heimilið mitt á síðasta ári: aðgang að einkaskilaboðum og IP tölum til að greina staðsetningu. 25. janúar var lokatilraun okkar til að fá uppgefið fyrir dómstól hvaða 4 önnur fyrirtæki hafa afhent FBI mínar persónulegu upplýsingar hafnað á þeim forsendum að það myndi spilla fyrir rannsókn," segir Birgitta og spyr „Hvaða rannsókn?" enda hafi hún fengið kurteis skilaboð í þremur liðum frá bandaríska dómsmálaráðuneytinu snemma árs 2011. 1. Birgitta er velkomin til Bandaríkjanna. 2. Birgitta mun ekki verða yfirheyrð án hennar samþykkis. 3. Birgitta er ekki aðili að rannsókn um glæpsamlegar gjörðir. Þingkonan segir Utanríkisráðuneytið og lögfræðinga hafa eindregið ráðlagt sér að fara ekki til Bandaríkjana. Hún hafi hlýtt því en setur spurningamerki að hafa ekki ferðafrelsi til lands sem kenni sig við frelsi. Hún ætli utan í apríl. „Ég hef ekki framið nein lögbrot mér að vitandi og hyggst því láta reyna á þessa yfirlýsingu frá Dómsmálaráðuneyti vina minna í vestri. Ég mun fara í byrjun apríl og sýna í verki stuðning minn við Bradley Manning sem hefur setið í fangelsi í meira en 1000 daga án ákæru. Þá ætla ég að hitta lögfræðinga og margt gott fólk úr fræðisamfélaginu vestanhafs til að ræða þau málefni sem okkur er annt um, eins og t.d. upplýsinga og tjáningarfrelsi, sem og friðhelgi einkalífsins."
Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Nefndin aldrei heyrt aðrar eins frásagnir en lítið að gerast Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Lík þriggja brimbrettakappa fundust í brunni í Mexíkó Erlent Reiðir yfir ummælum Macrons og halda æfingar með kjarnorkuvopn Erlent Fleiri fréttir Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Sjá meira