Hundur ógnaði manni og smáhundi á Suðurnesjum

Schäfer-hundur réðst á mann og smáhund hans á göngu á Suðurnesjum á dögunum. Þá olli Husky-hundur dagmóður áhyggjum þar sem hann sást hlaupandi nærri börnum sofandi í barnavögnum.

Í tilkynningu frá lögreglunni á Suðurnesjum segir að Schäfer-hundurinn hafi ráðist að manninum sem var í göngutúr með smáhund sinn. Maðurinn tók smáhund sinn í fangið og hraðaði sér heim á leið en Schäfer-hundurinn elti. Stóð hann í dyrum mannsins þegar hann hrindgi á lögreglu. Þegar lögreglu bar að garði var hundurinn haldinn heim til sín þar sem hann lá í dyragættinni og fylgdist með umferð framhjá húsinu.

Hundurinn hafði opnað ólæsta útidyrahurð og komist þannig út. Málið var tilkynnt til Heilbrigðiseftirlits Suðurnesja.

Þá tilkynnti dagmóðir að Husky-hundur væri hlaupandi laus í hverfinu og inn á lóð hjá sér þar sem börn væru sofandi í barnavögnum. Örfáum mínútum síðar hringdi konan aftur og var þá hundurinn kominn inn í forstofu hjá henni. Lögregla hafði þá þegar sent hundafangara af staðinn.

Í tilkynningu frá lögreglu er minnt á að lausaganga hunda sé með öllu óheimil.