Bíó og sjónvarp

Ben Stiller og Ólafur Darri í nýju sýnishorni

Haukur Viðar Alfreðsson skrifar

Nýtt sýnishorn úr kvikmyndinni The Secret Life of Walter Mitty var birt í dag og kemur íslenski leikarinn Ólafur Darri Ólafsson fyrir í sýnishorninu, en hann fer með hlutverk í myndinni. Einnig bregður leikurunum Þórhalli Sigurðssyni og Gunnari Helgasyni fyrir.

Það er Ben Stiller sem leikstýrir og fer með aðalhlutverk en myndin, sem tekin var að hluta til á Íslandi, er byggð á skáldsögu eftir rithöfundinn James Thurber. Sagan var áður kvikmynduð árið 1947.

Kvikmyndin verður frumsýnd í desember en í nýju stiklunni má, líkt og í þeirri fyrri, meðal annars heyra í íslensku hljómsveitinni Of Monsters and Men.

Sýnishornið má sjá í spilaranum hér fyrir ofan.

Myndin var tekin hér á landi að hluta.
Kvikmyndagerð á Íslandi


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.