Gullmiðanum svokallaða verður útbýtt eftir viku Jakob Bjarnar skrifar 25. nóvember 2013 19:00 Andri Snær Magnason gaf út flotta barnabók og ætti að vera tilnefndur til hinna íslensku bókmenntaverðlauna. Vigdís Grímsdóttir á skilið Gullmiðann samkvæmt viðmælendum Fréttablaðsins. Guðmundur Andri Thorsson þykir koma sterklega til greina í flokki fagurbókmennta. Þann 1. desember verður Gullmiðanum svokallaða útdeilt; tilnefningum til hinna íslensku bókmenntaverðlauna – verðlauna bókaútgefenda. Veruleg spenna er ríkjandi meðal rithöfunda sem og áhugafólks um bókmenntir. Fréttablaðið heyrði ofan í fjölda fólks sem tengist bókaútgáfu og reyndi að draga upp mynd af því hverjir mega teljast líklegastir til að fá miða. Gullmiðinn er mikilvægur, ekki bara heiðurinn sem því fylgir að fá slíkan miða heldur skiptir það miklu máli í jólabókaflóði að geta límt gullinn miða á plast bókar sinnar. Nánast eins og korkur, líklegra er að bókin fljóti og veki athygli.Tími Guðmundar Andra kominn Fréttablaðið heyrði ofan í fjölda manns, áhuga- og atvinnumenn í bókageiranum sem þekkja vel til. „Mér finnst tvímælalaust að tilefna eigi Vigdísi Gríms, Þórunni Erlu Valdimarsdóttur og Sjón. Svo er þetta spurning með Jón Kalman og Guðmund Andra Thorsson. Þeir hljóta að koma til greina,“ segir einn sem stöðu sinnar vegna getur ekki sett fram spá opinberlega. Og það á við um alla viðmælendur: „Skáldsaga ársins hlýtur að vera Össur... Nei, án gríns þá held ég að Andri Snær Magnason fái barnabókaverðlaunin, Guðmundur Andri tekur 1. sætið í fagurbókmenntunum, hans tími er kominn, og svo held ég að Sölvi Björn fái verðlaunin í flokki fræðibóka fyrir bækur sínar um veiðar og vatnasvæði. Raunar ætti hann að geta unnið í flokki fagurfræði líka. Því bókin er bæði fagur og fræði.“ Enn einn sem þekkir vel til var mjög afgerandi í sinni spá: Í flokki fagurbókmennta er það Þorsteinn frá Hamri með Skessukatla. „Þjóðskáldið upp á sitt besta!“ Skuggasund eftir Arnald Indriðason. „Arnaldur er orðinn einn færasti rithöfundur þjóðarinnar. Ekki bara vinsælastur heldur líka sprúðlandi talent,“ segir harðákveðinn viðmælandi blaðsins og bendir á að Arnaldur hafi sjaldan eða aldrei fengið betri dóma en nú: „Sæmd. Guðmundur Andri Thorsson er einn fremsti stílisti þjóðarinnar með fágaða og góða bók og svo Dísu saga eftir Vigdísi Grímsdóttur. Frábær og nærgöngul bók.“ Enn annar viðmælandi nefnir Jón Kalman sem vænlegan kandídat með Fiskar hafa enga fætur. „Hann er sá sem mig langar að eyða jólunum með.“ Sá spáir einnig Vigdísi, Guðmundi Andra, Sjón og Þórunni Erlu Valdimarsdóttur góðu gengi í flokki fagurbókmennta.Sölvi Björn heitur í fræðunum En, þó fókusinn sé oftar en ekki á fagurbókmenntirnar er spennandi að sjá hvað kemur upp úr dúrnum með fræðibækurnar. Þar heyrir Fréttablaðið nefndar bækur á borð við Fjallabókina eftir Jón Gauta Jónsson, Sigrúnu og Friðgeir eftir Sigrúnu Pálsdóttur. „Sigrún sýndi það í bókinni Þóra biskups að hún gefur maka sínum, Braga Ólafssyni, ekkert eftir. Þetta er ein áhugaverðasta bók jólanna,“ segir einn álitsgjafa Fréttablaðsins. Sölvi Björn Sigurðsson hefur verið nefndur og þá er vert að hafa auga með bókinni Vatnið í náttúru Íslands eftir Guðmund heitinn Pál Ólafsson. „Hef ekki séð þessa ennþá en get ekki ímyndað mér annað en að hér fari mikið stórvirki, enda Guðmundur Páll höfundur mikilla þrekvirkja.“ Og undir það tekur annar álitsgjafi sem nefnir einnig til sögunnar bók Aðalsteins Ingólfssonar um Karólínu Lárusdóttur og Kamban eftir Svein Einarsson. „Í handbókum held ég að Handrit úr fórum Árna Magnússonar í samantekt Svanhildar Óskars eigi allt gott skilið, sem og Ódáinsakurinn hans Jóns Karls Helgasonar.“Barnabækurnar komnar á kortið „Gaman að loks sé kominn flokkur fyrir barnabókmenntirnar. Þar spái ég að saga Sifjar Sigmarsdóttur, Múrinn, verði sigursæl. Andri Snær kemur sterkur inn með Tímakistuna, væntanlega og Úlfshjarta Stefáns Mána á meira en skilið að fá tilnefningu. Fyrir yngstu börnin þá finnst mér að Saga um nótt eftir Evu Einars og Lóu H. Hjálmtýsdóttur komi til greina og í lokin verð ég að nefna yndislega bók sem heitir Brosbókin eftir Jónu Valborgu Árnadóttur og Elsu Nielsen,“ segir einn viðmælenda með sinn spádóm. Annar kemur brattari inn og telur engan vafa leika á að Tímakista Andra Snæs fái Gullmiða. Hann veðjar á Vísindabók Villa og Draumsverð eftir Kjartan Yngva og Snæbjörn Brynjarsson. „Þessir strákar hlutu íslensku barnabókaverðlaunin í fyrra, fyrir fyrstu bókina í þessari seríu.“ Og þessi viðmælandi telur ekki vert að líta fram hjá leikaranum Gunna Helga með Rangstæður í Reykjavík. Hann nefnir einnig Sif til sögunnar þannig að hún telst líkleg með sína fyrstu bók. Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira
Þann 1. desember verður Gullmiðanum svokallaða útdeilt; tilnefningum til hinna íslensku bókmenntaverðlauna – verðlauna bókaútgefenda. Veruleg spenna er ríkjandi meðal rithöfunda sem og áhugafólks um bókmenntir. Fréttablaðið heyrði ofan í fjölda fólks sem tengist bókaútgáfu og reyndi að draga upp mynd af því hverjir mega teljast líklegastir til að fá miða. Gullmiðinn er mikilvægur, ekki bara heiðurinn sem því fylgir að fá slíkan miða heldur skiptir það miklu máli í jólabókaflóði að geta límt gullinn miða á plast bókar sinnar. Nánast eins og korkur, líklegra er að bókin fljóti og veki athygli.Tími Guðmundar Andra kominn Fréttablaðið heyrði ofan í fjölda manns, áhuga- og atvinnumenn í bókageiranum sem þekkja vel til. „Mér finnst tvímælalaust að tilefna eigi Vigdísi Gríms, Þórunni Erlu Valdimarsdóttur og Sjón. Svo er þetta spurning með Jón Kalman og Guðmund Andra Thorsson. Þeir hljóta að koma til greina,“ segir einn sem stöðu sinnar vegna getur ekki sett fram spá opinberlega. Og það á við um alla viðmælendur: „Skáldsaga ársins hlýtur að vera Össur... Nei, án gríns þá held ég að Andri Snær Magnason fái barnabókaverðlaunin, Guðmundur Andri tekur 1. sætið í fagurbókmenntunum, hans tími er kominn, og svo held ég að Sölvi Björn fái verðlaunin í flokki fræðibóka fyrir bækur sínar um veiðar og vatnasvæði. Raunar ætti hann að geta unnið í flokki fagurfræði líka. Því bókin er bæði fagur og fræði.“ Enn einn sem þekkir vel til var mjög afgerandi í sinni spá: Í flokki fagurbókmennta er það Þorsteinn frá Hamri með Skessukatla. „Þjóðskáldið upp á sitt besta!“ Skuggasund eftir Arnald Indriðason. „Arnaldur er orðinn einn færasti rithöfundur þjóðarinnar. Ekki bara vinsælastur heldur líka sprúðlandi talent,“ segir harðákveðinn viðmælandi blaðsins og bendir á að Arnaldur hafi sjaldan eða aldrei fengið betri dóma en nú: „Sæmd. Guðmundur Andri Thorsson er einn fremsti stílisti þjóðarinnar með fágaða og góða bók og svo Dísu saga eftir Vigdísi Grímsdóttur. Frábær og nærgöngul bók.“ Enn annar viðmælandi nefnir Jón Kalman sem vænlegan kandídat með Fiskar hafa enga fætur. „Hann er sá sem mig langar að eyða jólunum með.“ Sá spáir einnig Vigdísi, Guðmundi Andra, Sjón og Þórunni Erlu Valdimarsdóttur góðu gengi í flokki fagurbókmennta.Sölvi Björn heitur í fræðunum En, þó fókusinn sé oftar en ekki á fagurbókmenntirnar er spennandi að sjá hvað kemur upp úr dúrnum með fræðibækurnar. Þar heyrir Fréttablaðið nefndar bækur á borð við Fjallabókina eftir Jón Gauta Jónsson, Sigrúnu og Friðgeir eftir Sigrúnu Pálsdóttur. „Sigrún sýndi það í bókinni Þóra biskups að hún gefur maka sínum, Braga Ólafssyni, ekkert eftir. Þetta er ein áhugaverðasta bók jólanna,“ segir einn álitsgjafa Fréttablaðsins. Sölvi Björn Sigurðsson hefur verið nefndur og þá er vert að hafa auga með bókinni Vatnið í náttúru Íslands eftir Guðmund heitinn Pál Ólafsson. „Hef ekki séð þessa ennþá en get ekki ímyndað mér annað en að hér fari mikið stórvirki, enda Guðmundur Páll höfundur mikilla þrekvirkja.“ Og undir það tekur annar álitsgjafi sem nefnir einnig til sögunnar bók Aðalsteins Ingólfssonar um Karólínu Lárusdóttur og Kamban eftir Svein Einarsson. „Í handbókum held ég að Handrit úr fórum Árna Magnússonar í samantekt Svanhildar Óskars eigi allt gott skilið, sem og Ódáinsakurinn hans Jóns Karls Helgasonar.“Barnabækurnar komnar á kortið „Gaman að loks sé kominn flokkur fyrir barnabókmenntirnar. Þar spái ég að saga Sifjar Sigmarsdóttur, Múrinn, verði sigursæl. Andri Snær kemur sterkur inn með Tímakistuna, væntanlega og Úlfshjarta Stefáns Mána á meira en skilið að fá tilnefningu. Fyrir yngstu börnin þá finnst mér að Saga um nótt eftir Evu Einars og Lóu H. Hjálmtýsdóttur komi til greina og í lokin verð ég að nefna yndislega bók sem heitir Brosbókin eftir Jónu Valborgu Árnadóttur og Elsu Nielsen,“ segir einn viðmælenda með sinn spádóm. Annar kemur brattari inn og telur engan vafa leika á að Tímakista Andra Snæs fái Gullmiða. Hann veðjar á Vísindabók Villa og Draumsverð eftir Kjartan Yngva og Snæbjörn Brynjarsson. „Þessir strákar hlutu íslensku barnabókaverðlaunin í fyrra, fyrir fyrstu bókina í þessari seríu.“ Og þessi viðmælandi telur ekki vert að líta fram hjá leikaranum Gunna Helga með Rangstæður í Reykjavík. Hann nefnir einnig Sif til sögunnar þannig að hún telst líkleg með sína fyrstu bók.
Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira