Löndunarkör víða skítug

Matvælastofnun skoðaði tuttugu hafnir af u.þ.b. sextíu sem við landið eru og fengu flestar þeirra nokkuð góða einkunn. Yfirleitt var umgengni um löndunarsvæðið góð, löndunarbúnaður hreinn og vatn til þrifa aðgengilegt.

Mesta þörf á úrbótum er hins vegar við þrif á löndunarkörum. Þrifnaði á löndunarkörum var almennt ábótavant að mati Matvælastofnunar. Algengast var að löndunarkör á höfnum, sem merkt eru Umbúðamiðlun, væru óhrein og að þau væru ekki þrifin fyrir notkun.