Kári Sverrisson spurður spjörunum úr

Lífið hitti ljósmyndarann Kára Sverrisson sem nýlega fékk inngöngu inn í London College of Fashion og lagði fyrir hann nokkrar spurningar.

Aldur?

31 árs



Starf?

Ljósmyndari og alt muligt mand á Lemon á Laugavegi

Hvern faðmaðir þú síðast?

Ég faðmaði kærastann minn síðast.



En kysstir? 

Kyssti bestu vinkonu mína Söndru bless, á munninn.

Hver kom þér síðast á óvart og hvernig?

Hún heitir Þrúða og vinnur hjá Lingo. Hún aðstoðaði mig við að sækja um í draumanámið í London og nýlega hringdi hún í mig til þess að segja mér að ég hefði komist inn í meistaranám í tískuljósmyndun í London College of Fashion.

Hvaða galla í eigin fari ertu búinn að umbera allt of lengi?

Fullkomnunaráráttuna í mér.

Ertu hörundsár?

Get verið það, er nokkuð mannlegur.

Dansarðu þegar enginn sér til?

Mér finnst betra, þægilegra og skemmtilegra að dansa með öðrum.

Hvenær gerðirðu þig síðast að fífli og hvernig?

Fyrir stuttu þegar ég reyndi að nota afsláttarkort Olís á N1, það var gott ljóskumóment.

Hringirðu stundum í vælubílinn?

Nei, þegar ég er í því ástandi þá gleymi ég því að það sé til vælubíll.

Tekurðu strætó?

Helst ekki, kannski í hallæri og í ýtrustu neyð

Hvað eyðirðu miklum tíma á Facebook á dag?

Suma daga stoppa ég í smá stund og aðra daga stoppa eg mjög stutt.

Ferðu hjá þér þegar þú hittir fræga eða heilsarðu þeim?

Nei, ekki nema ég þekki þetta fræga fólk. Þá fær það lítið veif frá mér. Annars eru þessir frægu einstaklingar bara alveg eins og ég og þú.

Lumarðu á einhverju sem fáir vinir þínir vita um þig?

Ég vann einu sinni karókíkeppni, og ég átti að fæðast í janúar 1982, ekki desember 1981, en ég fæddist mánuði fyrir tímann.

Hvað ætlarðu alls ekki að gera um helgina?

Ég ætla alls ekki að láta mér leiðast.