Magni ríður á vaðið

Röð laganna í úrslitum Söngvakeppninnar sem fram fer á laugardagskvöldið liggur fyrir. Sjö lög berjast um að verða framlag Íslands í Söngvakeppni evrópskra sjónvarpsstöðva í Malmö í maí.

Sex lög tryggðu sér sæti í símakosningu áhorfenda á föstudags- og laugardagskvöld auk þess sem sérstök valnefnd valdi eitt lag til viðbótar. Skemmst er frá því að segja að lögin verða flutt í sömu röð og á undanúrslitakvöldunum liðna helgi. Greint er frá röðun laganna á Ruv.is.

Röð laganna er eftirfarandi.

1. Ekki líta undan - kosninganúmer s. 900 9901. Lag: Sveinn Rúnar Sigurðsson. Texti: Ingibjörg Gunnarsdóttir. Flytjandi: Magni Ásgeirsson

2. Lífið snýst - kosninganúmer s. 900 9902. Lag: Hallgrímur Óskarsson. Texti: Hallgrímur Óskarsson og Svavar Knútur Kristinsson. Flytjendur: Svavar Knútur Kristinsson og Hreindís Ylva Garðarsdóttir Hólm.

3. Ég á líf - kosninganúmer s. 900 9903. Lag og texti: Örlygur Smári og Pétur Örn Guðmundsson. Flytjandi: Eyþór Ingi Gunnlaugsson.

4. Meðal andanna - kosninganúmer s. 900 9904. Lag: Birgitta Haukdal, Sylvía Haukdal Brynjarsdóttir og Jonas Gladnikoff. Texti: Birgitta Haukdal, Sylvía Haukdal Brynjarsdóttir, Michael James Down og Primoz Poglajen. Flytjandi: Birgitta Haukdal.

5. Til þín - kosninganúmer s. 900 9905. Lag: Sveinn Rúnar Sigurðsson. Texti: Sveinn Rúnar Sigurðsson og Ágúst Ibsen. Flytjendur: Jógvan Hansen og Stefanía Svavarsdóttir.

6. Vinátta - kosninganúmer s. 900 9906. Lag og texti: Haraldur Reynisson. Flytjandi: Haraldur Reynisson.

7. Ég syng! - kosninganúmer s. 900 9907. Lag: Elíza Newman, Gísli Kristjánsson og Ken Rose. Texti: Elíza Newman, Gísli Kristjánsson og Hulda G. Geirsdóttir. Flytjandi: Unnur Eggertsdóttir.

Úrslitakvöldið fer fram í Eldborgarsal Hörpu á laugardagskvöldið. Samanlögð atkvæði úr símakosningu gildir til jafns skoðun dómnefndar en tvö efstu lögin komast í úrslit. Lögin tvö verða flutt á nýjan leik og kosið á milli þeirra í símakosningu.