Real Madrid náði aðeins markalausu jafntefli á móti C-deildarliði Olimpic de Xativa í gær í fyrri leik liðanna í 32 liða úrslitum spænska bikarsins.
Real Madrid var ekki með þá Cristiano Ronaldo, Gareth Bale eða Xabi Alonso í liði sínum í leiknum en það breytir ekki því að stjörnuprýtt lið Madrid átti að gera miklu betur.
Real Madrid náði varla skoti á mark í leiknum sem er ótrúlegt hjá liði sem var búið að skora 18 mörk í síðustu fjórum leikjum sínum þar á undan.
Karim Benzema og Luka Modric komu báðir inná sem varamenn í seinni hálfleiknum en það breytti litlu sem engu.
Liðin mætast aftur á Santiago Bernabeu 18. desember næstkomandi.
Bikarmeistarar Atletico Madrid unnu auðveldan 4-0 sigur á Sant Andreu þar sem að Arda Turan skoraði tvö mörk og þeir David Villa og Raul Garcia voru með sitthvort markið.
Vandræðalegt jafntefli hjá Real Madrid á móti C-deildarliði
Óskar Ófeigur Jónsson skrifar

Mest lesið

Íslandsmeistarinn getur orðið NBA meistari
Körfubolti



Þrjár Guðmundsdætur í liði KR og Albert mætti
Íslenski boltinn




„Mamma! Segja áfram!“
Fótbolti


IceBox í Kaplakrika
Sport