Eiturlyfjanotkun Nigella verður ekki rannsökuð

Sjónvarpskokkurinn Nigella Lawson getur andað léttar en bresk lögregluyfirvöld hafa gefið út að ekki muni fara fram lögreglurannsókn á meintri eiturlyfjanotkun hennar.

Lawson stendur í skilnaði frá fyrrum eiginmanni sínum, Charles Saatchi, sem hefur sagt fyrir rétti að Lawson hefði ítrekað notað eiturlyf á þeim tíma sem þau voru gift.

Ekki er ljóst hvaða áhrif þessi tíðindi munu hafa á feril hennar sem sjónvarpskokkur en hún hefur notið gríðarlegra vinsælda á undanförnum áratug eða svo fyrir þætti sína.