Jakub keyrður niður við Lönguhlíð

Keyrt var á hjólandi vegfaranda á gatnamótum Miklubrautar og Lönguhlíðar í morgun. Pólverjinn Jakub var að hjóla norður Lönguhlíð yfir gatnamótin við Miklubraut þegar leigubílstjóri beygði í veg fyrir hann. Leigubílstjórinn hafði ætlað sér að beygja austur á Miklubraut.

Ljósmyndari Fréttablaðsins var mættur á slysstað skömmu eftir áreksturinn. Jakub flutti nýverið til landsins og hóf nám í viðskiptafræði við Háskólann í Reykjavík í haust.

Lögreglan tók skýrslu af báðum aðilum og aðstoðaði Jakub svo við að koma hjólinu sínu í lag. Stýrið var skakt eftir áreksturinn en Jakub gat þó haldið för sinni áfram á hjólinu. Daníel Rúnarsson, ljósmyndari Fréttablaðsins, náði myndum af slysstað.