Íslenska landsliðið í fótbolta var í svipaðri stöðu og í kvöld fyrir tíu árum þegar liðið mætti Þýskalandi á útivelli í lokaleik sínum í riðlinum í undankeppni EM 2004. Íslenska liðið átti einnig möguleika á því að vinna riðilinn og komast beint á HM en varð á endanum aðeins tuttugu mínútum frá því að komast í umspilið.
Ísland átti ekki möguleika á móti sterku þýsku landsliðið sem vann leikinn 3-0, tryggði sér sigur í riðlinum og farseðil á Evrópumótið í Portúgal 2004.
Von íslenska liðsins var þó enn á lífi þrátt fyrir að Michael Ballack hafi komið þýska liðinu í 1-0 strax á 9. mínútu og það hafi verið ljóst nær allan tímann í Hamburg að Ísland væri að fara að tapa leiknum.
Staðan var nefnilega enn markalaust í leik Skota og Litháa og þau úrslit hefðu skilað íslenska landsliðinu í umspilið.
Það var hinsvegar Darren Fletcher, þá tiltölulega óþekktur 19 ára leikmaður Manchester United, sem tryggði Skotum 1-0 sigur með marki á 70. mínútum. Skotar enduðu því með 14 stig eða stigi meira en íslenska liðið.
Skotar mættu Hollendingum í umspilinu og voru í fínum málum eftir 1-0 sigur í fyrri leiknum. Hollendingarnir fóru hinsvegar afar illa með Skota í seinni leiknum á Amsterdam Arena og tryggðu sér sæti á EM 2004 með 6-0 stórsigri. Ruud van Nistelrooy skoraði þrennu í leiknum.
Þegar Darren Fletcher kramdi hjörtu Íslendinga
Óskar Ófeigur Jónsson skrifar

Mest lesið






Enn hærra metboð frá Liverpool
Enski boltinn

Skrifar undir fimm ára samning við Liverpool
Enski boltinn


Keypti aðstoð frá norn til að hjálpa Knicks
Körfubolti

Öll mörkin í Bestu: Stjarnan tætti KR í sig og ÍA valtaði yfir Blika
Íslenski boltinn